সূক্ত 23

23.1

পাপ-মোচনম্। ১-৭ মৃগারঃ। প্রচেতা অগ্নিঃ। ত্রিষটুপ্, ৩ পুরস্তাজ্জ্যোতিষ্মতী, ৪ অনুষ্টুপ্, ৬ প্রস্তারপঙ্ক্তিঃ।

অগ্নের্মন্বে প্রথমস্য প্রচেতসঃ পাঞ্চজন্যস্য বহুধা যমিন্ধতে ।
বিশো বিশঃ প্রবিশিবাংসমীমহে স নো মুঞ্চত্বংহসঃ ॥১॥

যথা হব্যং বহসি জাতবেদো যথা যজ্ঞং কল্পয়সি প্রজানন্।
এবা দেবেভ্যঃ সুমতিং ন আ বহ স নো মুঞ্চত্বংহসঃ ॥২॥

যামন্যামন্নুপয়ুক্তং বহিষ্ঠং কর্মন্কর্মন্নাভগম্ ।
অগ্নিমীডে রক্ষোহণং যজ্ঞবৄধং ঘৃতাহুতং স নো মুঞ্চত্বংহসঃ ॥৩॥

সুজাতং জাতবেদসমগ্নিং বৈশ্বানরং বিভুম্।
হব্যবাহং হবামহে স নো মুঞ্চত্বংহসঃ ॥৪॥

যেন ঋষয়ো বলমদ্যোতয়ন্ যুজা যেনাসুরাণাময়ুবন্ত মায়াঃ ।
যেনাগ্নিনা পণীনিন্দ্রো জিগায় স নো মুঞ্চত্বংহসঃ ॥৫॥

যেন দেবা অমৃতমন্ববিন্দন্ যেনৌষধীর্মধুমতীরকৃণ্বন্।
যেন দেবাঃ স্ব১রাভরন্ত্স নো মুঞ্চত্বংহসঃ ॥৬॥

যস্যেদং প্রদিশি যদ্ বিরোচতে যজ্জাতং জনিতব্যংঽ চ কেবলম্।
স্তৌম্যগ্নিং নাথিতো জোহবীমি স নো মুঞ্চত্বংহসঃ ॥৭॥