সূক্ত 22

22.1

অমিত্রক্ষয়ণম্। ১-৭ বসিষঠঃ, অথর্বা বা। ক্ষত্রিয়ো রাজা, ইন্দ্রশ্চ। ত্রিষ্টুপ্।

ইমমিন্দ্র বর্ধয় ক্ষত্রিয়ং ম ইমং বিশামেক বৃষং কৃণু ত্বম্।
নিরমিত্রানক্ষ্ণুহ্যস্য সর্বাংস্তান্ রন্ধয়াস্মা অহমুত্তরেষু ॥১॥

22.2

এমং ভজ গ্রামে অশ্বেষু গোষু নিষ্টং ভজ যো অমিত্রো অস্য।
বর্ষ্ম ক্ষত্রাণাময়মস্তু রাজেন্দ্র শত্রুং রন্ধয় সর্বমস্মৈ ॥২॥

22.3

অয়মস্তু ধনপতির্ধনানাময়ং বিশাং বিশ্পতিরস্তু রাজা ।
অস্মিন্নিন্দ্র মহি বর্চাংসি ধেহ্যবর্চসং কৃণুহি শত্রুমস্য ॥৩॥

22.4

অস্মৈ দ্যাবাপৃথিবী ভূরি বামং দুহাথাং ঘর্মদুঘে ইব ধেনূ।
অয়ং রাজা প্রিয় ইন্দ্রস্য ভূয়াৎ প্রিয়ো গবামোষধীনাং পশূনাম্ ॥৪॥

22.5

যুনজ্মি ত উত্তরাবন্তমিন্দ্রং যেন জয়ন্তি ন পরাজয়ন্তে ।
যস্ত্বা করদেকবৃষং জনানামুত রাজ্ঞামুত্তমং মানবানাম্ ॥৫॥

22.6

উত্তরস্ত্বমধরে তে সপত্না যে কে চ রাজন্ প্রতিশত্রবস্তে ।
একবৃষ ইন্দ্রসখা জিগীবাং ছত্রূয়তামা ভরা ভোজনানি ॥৬॥

22.7

সিংহপ্রতীকো বিশো অদ্ধি সর্বা ব্যাঘ্রপ্রতীকোঽব বাধস্ব শত্রূন্।
একবৃষ ইন্দ্রসখা জিগীবাং ছত্রূয়তামা খিদা ভোজনানি ॥৭॥