সূক্ত 18

18.1

অপামার্গঃ। ১-৮ শুক্রঃ। অপামার্গো বনস্পতিঃ। অনুষ্টুপ্, ৬ বৃহতীগর্ভা।

সমং জ্যোতিঃ সূর্যেণাহ্না রাত্রী সমাবতী ।
কৃণোমি সত্যমূতয়েঽরসাঃ সন্তু কৃত্বরীঃ ॥১॥

18.2

যো দেবাঃ কৃত্যাং কৃত্বা হরাদবিদুষো গৃহম্।
বত্সো ধারুরিব মাতরং তং প্রত্যগুপ পদ্যতাম্ ॥২॥

18.3

অমা কৃত্বা পাপ্মানং যস্তেনান্যং জিঘাংসতি ।
অশ্মানস্তস্যাং দগ্ধায়াং বহুলাঃ ফট্ করিক্রতি ॥৩॥

18.4

সহস্রধামন্ বিশিখান্ বিগ্রীবাং ছায়য়া ত্বম্।
প্রতি স্ম চক্রুষে কৃত্যাং প্রিয়াং প্রিয়াবতে হর ॥৪॥

18.5

অনয়াহমোষধ্যা সর্বাঃ কৃত্যা অদূদুষম্।
যাং ক্ষেত্রে চক্রুর্যাং গোষু যাং বা তে পুরুষেষু ॥৫॥

18.6

যশ্চকার ন শশাক কর্তুং শশ্রে পাদমঙ্গুরিম্।
চকার ভদ্রমস্মভ্যমাত্মনে তপনং তু সঃ ॥৬॥

18.7

অপামার্গোঽপ মার্ষ্টু ক্ষেত্রিয়ং শপথশ্চ যঃ ।
অপাহ যাতুধানীরপ সর্বা অরায্যঃ ॥৭॥

18.8

অপমৃজ্য যাতুধানানপ সর্বা অরায্যঃ ।
অপামার্গ ত্বয়া বয়ং সর্বং তদপ মৃজ্মহে ॥৮॥