সূক্ত 17

17.1

অপামার্গঃ। ১-৮ শুক্রঃ। অপামার্গো বনস্পতিঃ। অনুষটুপ্।

ঈশাণাং ত্বা ভেষজানামুজ্জেষ আ রভামহে ।
চক্রে সহস্রবীর্যং সর্বস্মা ওষধে ত্বা ॥১॥

সত্যজিতং শপথয়াবনীং সহমানাং পুনঃসরাম্।
সর্বাঃ সমহ্ব্যোষধীরিতো নঃ পারয়াদিতি ॥২॥

যা শশাপ শপনেন যাঘং মূরমাদধে।
যা রসস্য হরণায় জাতমারেভে তোকমত্তু সা ॥৩॥

যাং তে চক্রুরামে পাত্রে যাং চক্রুর্নীললোহিতে।
আমে মাংসে কৃত্যাং যাং চক্রুস্তয়া কৃত্যাকৃতো জহি ॥৪॥

দৌষ্বপ্ন্যং দৌর্জীবিত্যং রক্ষো অভ্বঽমরায্যঃ ।
দুর্ণাম্নীঃ সর্বা দুর্বাচস্তা অস্মন্নাশয়ামসি ॥৫॥

ক্ষুধামারং তৃষ্ণামারমগোতামনপত্যতাম্।
অপামার্গ ত্বয়া বয়ং সর্বং তদপ মৃজ্মহে ॥৬॥

তৃষ্ণামারং ক্ষুধামারমথো অক্ষপরাজয়ম্।
অপামার্গ ত্বয়া বয়ং সর্বং তদপ মৃজ্মহে ॥৭॥

অপামার্গ ওষধীনাং সর্বাসামেক ইদ্ বশী।
তেন তে মৃজ্ম আস্থিতমথ ত্বমগদশ্চর ॥৮॥