সূক্ত 14

14.1

স্বর্জ্যোতিঃ প্রাপ্তিঃ। ১-৯ ভৃগুঃ। আজ্যং, অগ্নিঃ। ত্রিষ্টুপ্, ২, ৪ অনুষ্টুপ্, ৩ প্রস্তারপঙ্ক্তিঃ, ৭, ৯ জগতি, ৮ পঞ্চপদাতিশক্বরী।

অজো হ্য১গ্নেরজনিষ্ট শোকাৎ সো অপশ্যজ্জনিতারমগ্রে ।
তেন দেবা দেবতামগ্রা আয়ন্ তেন রোহান্ রুরুহুর্মেধ্যাসঃ ॥১॥

14.2

ক্রমধ্বমগ্নিনা নাকমুখ্যান্ হস্তেষু বিভ্রতঃ ।
দিবস্পৃষ্ঠং স্বঽর্গত্বা মিশ্রা দেবেভিরাধ্বম্ ॥২॥

14.3

পৃষ্ঠাৎ পৃথিব্যা অহমন্তরিক্ষমারুহমন্তরিক্ষাদ্ দিবমারুহম্।
দিবো নাকস্য পৃষ্ঠাৎ স্ব১র্জ্যোতিরগামহম্ ॥৩॥

14.4

স্ব১র্যন্তো নাপেক্ষন্ত আ দ্যাং রোহন্তি রোদসী ।
যজ্ঞং যে বিশ্বতোধারং সুবিদ্বাংসো বিতেনিরে ॥৪॥

14.5

অগ্নে প্রেহি প্রথমো দেবতানাং চক্ষুর্দেবানামুত মানুষানাম্।
ইয়ক্ষমাণা ভৃগুভিঃ সজোষাঃ স্বঽর্যন্তু যজমানাঃ স্বস্তি ॥৫॥

14.6

অজমনজ্মি পয়সা ঘৃতেন দিব্যং সুপর্নং পয়সং বৃহন্তম্।
তেন গেষ্ম সুকৃতস্য লোকং স্বঽরারোহন্তো অভি নাকমুত্তমম্ ॥৬॥

14.7

পঞ্চৌদনং পঞ্চভিরঙ্গুলিভির্দর্ব্যোদ্ধর পঞ্চধৈতমোদনম্।
প্রাচ্যাং দিশি শিরো অজস্য ধেহি দক্ষিণায়াং দিশি দক্ষিণং ধেহি পার্শ্বম্ ॥৭॥

14.8

প্রতীচ্যাং দিশি ভসদমস্য ধেহ্যুত্তরস্যাং দিশ্যুত্তরং ধেহি পার্শ্বম্।
ঊর্ধ্বায়াং দিশ্য১জস্যানূকং ধেহি দিশি ধ্রুবায়াং ধেহি পাজস্যঽমন্তরিক্ষে মধ্যতো মধ্যমস্য ॥৮॥

14.9

শৃতমজং শৃতয়া প্রোর্ণুহি ত্বচা সর্বৈরঙ্গৈঃ সংভৃতং বিশ্বরূপম্।
স উৎ তিষ্ঠেতো অভি নাকমুত্তমং পদ্ভিশ্চতুর্ভিঃ প্রতি তিষ্ঠ দিক্ষু ॥৯॥