সূক্ত 15

15.1

বৃষ্টিঃ। ১-১৬ অথর্বা। ১ দিশঃ, ২-৩ বীরুধঃ, ৪ মরুত্পর্জন্যৌ, ৫-১০ মরুতঃ আপঃ, ১১ প্রজাপতিঃ, স্তনয়িত্নুঃ, ১২ বরুণঃ, ১৩-১৫ মণ্ডূকাঃ পিতরশ্চ, ১৬ বাতঃ। ত্রিষ্টুপ্, ১-২, ৫ বিরাড্ জগতি, ৪ বিরাট্ পুরস্তাদ্বৃহতী, ৭, ১৩ অনুষ্টুপ্, ৯ পথ্যাপঙ্ক্তিঃ, ১০ ভুরিক্, ১২ পঞ্চপদানুষ্টুব্গর্ভা ভুরিক্, ১৫ শংকুমত্যনুষ্টুপ্।

সমুত্পতন্তু প্রদিশো নভস্বতীঃ সমভ্রাণি বাতজূতানি যন্তু ।
মহঋষভস্য নদতো নভস্বতো বাশ্রা আপঃ পৃথিবীং তর্পয়ন্তু ॥১॥

15.2

সমীক্ষয়ন্তু তবিষাঃ সুদানবো ঽপাং রসা ওষধীভিঃ সচন্তাম্।
বর্ষস্য সর্গা মহয়ন্তু ভূমিং পৃথগ্ জায়ন্তামোষধয়ো বিশ্বরূপাঃ ॥২॥

15.3

সমীক্ষয়স্ব গায়তো নভাংস্যপাং বেগাসঃ পৃথগুদ্ বিজন্তাম্।
বর্ষস্য সর্গা মহয়ন্তু ভূমিং পৃথগ্ জায়ন্তাং বীরুধো বিশ্বরূপাঃ ॥৩॥

15.4

গণাস্ত্বোপ গায়ন্তু মারুতাঃ পর্জন্য ঘোষিণঃ পৃথক্।
সর্গা বর্ষস্য বর্ষতো বর্ষন্তু পৃথিবীমনু ॥৪॥

15.5

উদীরয়ত মরুতঃ সমুদ্রতস্ত্বেষো অর্কো নভ উৎ পাতয়াথ ।
মহঋষভস্য নদতো নভস্বতো বাশ্রা আপঃ পৃথিবীং তর্পয়ন্তু ॥৫॥

15.6

অভি ক্রন্দ স্তনয়ার্দয়োদধিং ভূমিং পর্জন্য পয়সা সমঙ্ধি ।
ত্বয়া সৃষ্টং বহুলমৈতু বর্ষমাশারৈষী কৃশগুরেত্বস্তম্ ॥৬॥

15.7

সং বোঽবন্তু সুদানব উত্সা অজগরা উত।
মরুদ্ভিঃ প্রচ্যুতা মেঘা বর্ষন্তু পৃথিবীমনু ॥৭॥

15.8

আশামাশাং বি দ্যোততাং বাতা বান্তু দিশোদিশঃ ।
মরুদ্ভিঃ প্রচ্যুতা মেঘাঃ সং যন্তু পৃথিবীমনু ॥৮॥

15.9

আপো বিদ্যুদভ্রং বর্ষং সং বোঽবন্তু সুদানব উত্সা অজগরা উত।
মরুদ্ভিঃ প্রচ্যুতা মেঘাঃ প্রাবন্তু পৃথিবীমনু ॥৯॥

15.10

অপামগ্নিস্তনূভিঃ সংবিদানো য ওষধীনামধিপা বভূব ।
স নো বর্ষং বনুতাং জাতবেদাঃ প্রাণং প্রজাভ্যো অমৃতং দিবস্পরি ॥১০॥

15.11

প্রজাপতিঃ সলিলাদা সমুদ্রাদাপ ঈরয়ন্নুদধিমর্দয়াতি ।
প্র প্যায়তাং বৃষ্ণো অশ্বস্য রেতোঽর্বাঙেতেন স্তনয়িত্নুনেহি ॥১১॥

15.12

অপো নিষিঞ্চন্নসুরঃ পিতা নঃ শ্বসন্তু গর্গরা অপাং বরুণাব নীচীরপঃ সৃজ ।
বদন্তু পৃশ্নিবাহবো মণ্ডূকা ইরিণানু ॥১২॥

15.13

সংবত্সরং শশয়ানা ব্রাহ্মণা ব্রতচারিণঃ ।
বাচং পর্জন্যজিন্বিতাং প্র মণ্ডূকা অবাদিষুঃ ॥১৩॥

15.14

উপপ্রবদ মণ্ডূকি বর্ষমা বদ তাদুরি ।
মধ্যে হ্রদস্য প্লবস্ব বিগৃহ্য চতুরঃ পদঃ ॥১৪॥

15.15

খণ্বখা৩ই খৈমখা৩ই মধ্যে তদুরি ।
বর্ষং বনুধ্বং পিতরো মরুতাং মন ইছত ॥১৫॥

15.16

মহান্তং কোশমুদচাভি ষিঞ্চ সবিদ্যুতং ভবতু বাতু বাতঃ ।
তন্বতাং যজ্ঞং বহুধা বিসৃষ্টা আনন্দিনীরোষধয়ো ভবন্তু ॥১৬॥