সূক্ত 13

13.1

রোগনিবারণম্ ১-৭ শংতাতিঃ। চন্দ্রমাঃ, বিশ্বে দেবাঃ, ১ দেবাঃ, ২-৩ বাতঃ, ৪ মরুতঃ, ৬-৭ হস্তঃ। অনুষ্টুপ্।

উত দেবা অবহিতং দেবা উন্নয়থা পুনঃ ।
উতাগশ্চক্রুষং দেবা দেবা জীবয়থা পুনঃ ॥১॥

দ্বাবিমৌ বাতৌ বাত আ সিন্ধোরা পরাবতঃ ।
দক্ষং তে অন্য আবাতু ব্য১ন্যো বাতু যদ্ রপঃ ॥২॥

আ বাত বাহি ভেষজং বি বাত বাহি যদ্রপঃ ।
ত্বং হি বিশ্বভেষজ দেবানাং দূত ঈয়সে ॥৩॥

ত্রায়ন্তামিমং দেবাস্ত্রায়ন্তাং মরুতাং গণাঃ ।
ত্রায়ন্তাং বিশ্বা ভূতানি যথায়মরপা অসৎ ॥৪॥

আ ত্বাগমং শংতাতিভিরথো অরিষ্টতাতিভিঃ ।
দক্ষং ত উগ্রমাভারিষং পরা যক্ষ্মং সুবামি তে ॥৫॥

অয়ং মে হস্তো ভগবানয়ং মে ভগবত্তরঃ ।
অয়ং মে বিশ্বভেষজোঽয়ং শিবাভিমর্শনঃ ॥৬॥

হস্তাভ্যাং দশশাখাভ্যাং জিহ্বা বাচঃ পুরোগবী।
অনাময়িত্নুভ্যাং হস্তাভ্যাং তাভ্যাং ত্বাভি মৃশামসি ॥৭॥