সূক্ত 10

10.1

শঙ্খমণিঃ। ১-৭ অথর্বা। শঙ্খমণিঃ, কৃশনঃ। অনুষ্টুপ্, ৬ পথ্যাপঙ্ক্তিঃ, ৭ পঞ্চপদা পরানুষ্টুপ্শক্বরী।

বাতাজ্জাতো অন্তরিক্ষাদ্ বিদ্যুতো জ্যোতিষস্পরি ।
স নো হিরণ্যজাঃ শঙ্খঃ কৃশনঃ পাত্বংহসঃ ॥১॥

10.2

যো অগ্রতো রোচনানাং সমুদ্রাদধি জজ্ঞিষে।
শঙ্খেন হত্বা রক্ষাংস্যত্ত্রিণো বি ষহামহে ॥২॥

10.3

শঙ্খেনামীবামমতিং শঙ্খেনোত সদান্বাঃ ।
শঙ্খো নো বিশ্বভেষজঃ কৃশনঃ পাত্বংহসঃ ॥৩॥

10.4

দিবি জাতঃ সমুদ্রজঃ সিন্ধুতস্পর্যাভৃতঃ ।
স নো হিরণ্যজাঃ শঙ্খ আয়ুষ্প্রতরণো মণিঃ ॥৪॥

10.5

সমুদ্রাজ্জাতো মণির্বৃত্রাজ্জাতো দিবাকরঃ ।
সো অস্মান্ত্সর্বতঃ পাতু হেত্যা দেবাসুরেভ্যঃ ॥৫॥

10.6

হিরণ্যানামেকোঽসি সোমাৎ ত্বমধি জজ্ঞিষে ।
রথে ত্বমসি দর্শত ইষুধৌ রোচনস্ত্বং প্র ণ আয়ূংষি তারিষৎ ॥৬॥

10.7

দেবানামস্থি কৃশনং বভূব তদাত্মন্বচ্চরত্যপ্স্ব১ন্তঃ ।
তৎ তে বধ্নাম্যায়ুষে বর্চসে বলায় দীর্ঘায়ুত্বায় শতশারদায় কার্শনস্ত্বাভি রক্ষতু ॥৭॥