সূক্ত 11

11.1

অনড্বান্ ১-১২ ভৃগ্বঙ্গিরাঃ। অনড্বান্, ইন্দ্রঃ। ত্রিষ্টুপ্; ১, ৪ জগতি, ২ ভুরিক্, ৭ ত্র্যবসানা ষট্ পদানুষ্টুব্গর্ভোপরিষ্টজ্জাগতানিচৃচ্ছক্বরী, ৮-১২ অনুষ্টুপ্।

অনড্বান্ দাধার পৃথিবীমুত দ্যামনড্বান্ দাধারোর্ব১ন্তরিক্ষম্।
অনড্বান্ দাধার প্রদিশঃ ষডুর্বীরনড্বান্ বিশ্বং ভুবনমা বিবেশ ॥১॥

11.2

অনড্বানিন্দ্রঃ স পশুভ্যো বি চষ্টে ত্রয়াং ছক্রো বি মিমীতে অধ্বনঃ ।
ভূতং ভবিষ্যদ্ ভুবনা দুহানঃ সর্বা দেবানাং চরতি ব্রতানি ॥২॥

11.3

ইন্দ্রো জাতো মনুষ্যেঽষ্বন্তর্ঘর্মস্তপ্তশ্চরতি শোশুচানঃ ।
সুপ্রজাঃ সন্ত্স উদারে ন সর্ষদ্যো নাশ্নীয়াদনডুহো বিজানন্ ॥৩॥

11.4

অনড্বান্ দুহে সুকৃতস্য লোক ঐনং প্যায়য়তি পবমানঃ পুরস্তাৎ।
পর্জন্যো ধারা মরুত ঊধো অস্য যজ্ঞঃ পয়ো দক্ষিণা দোহো অস্য ॥৪॥

11.5

যস্য নেশে যজ্ঞপতির্ন যজ্ঞো নাস্য দাতেশে ন প্রতিগ্রহীতা।
যো বিশ্বজিদ্ বিশ্বভৃদ্ বিশ্কর্মা ঘর্মং নো ব্রূত যতমশ্চতুষ্পাৎ ॥৫॥

11.6

যেন দেবাঃ স্বরারুরুহুর্হিত্বা শরীরমমৃতস্য নাভিম্।
তেন গেষ্ম সুকৃতস্য লোকং ঘর্মস্য ব্রতেন তপসা যশস্যবঃ ॥৬॥

11.7

ইন্দ্রো রূপেণাগ্নির্বহেন প্রজাপতিঃ পরমেষ্ঠী বিরাট্।
বিশ্বানরে অক্রমত বৈশ্বানরে অক্রমতানদুহ্যক্রমত । সোঽদৃংহয়ত সোঽধারয়ত ॥৭॥

11.8

মধ্যমেতদনডুহো যত্রৈষ বহ আহিতঃ ।
এতাবদস্য প্রাচীনং যাবান্ প্রত্যঙ্ সমাহিতঃ ॥৮॥

11.9

যো বেদানডুহো দোহান্ত্সপ্তানুপদস্বতঃ ।
প্রজাং চ লোকং চাপ্নোতি তথা সপ্তঋষয়ো বিদুঃ ॥৯॥

11.10

পদ্ভিঃ সেদিমবক্রামন্নিরাং জঙ্ঘাভিরুত্খিদন্।
শ্রমেণানড্বান্ কীলালং কীনাশশ্চাভি গচ্ছতঃ ॥১০॥

11.11

দ্বাদশ বা এতা রাত্রীর্ব্রত্যা আহুঃ প্রজাপতেঃ ।
তত্রোপ ব্রহ্ম যো বেদ তদ্ বা অনডুহো ব্রতম্ ॥১১॥

11.12

দুহে সায়ং দুহে প্রাতর্দুহে মধ্যংদিনং পরি ।
দোহা যে অস্য সংয়ন্তি তান্ বিদ্মানুপদস্বতঃ ॥১২॥