সূক্ত 9

9.1

দুঃখনাশনম্। ১-৬ বামদেবঃ। দ্যাবাপৃথিবী, দেবাঃ। অনুষ্টুপ্, ৪ চতুষ্পদা নিচৃদ্বৃহতী, ৬ভুরিক্।

কর্শফস্য বিশফস্য দ্যৌঃ পিতা পৃথিবী মাতা।
যথাভিচক্র দেবাস্তথাপ কৃণুতা পুনঃ ॥১॥

9.2

অশ্রেষ্মাণো অধারয়ন্ তথা তন্মনুনা কৃতম্।
কৃণোমি বধ্রি বিষ্কন্ধং মুষ্কাবর্হো গবামিব ॥২॥

9.3

পিশঙ্গে সূত্রে খৃগলং তদা বধ্নন্তি বেধসঃ ।
শ্রবস্যুং শুষ্মং কাববং বধ্রিং কৃণ্বন্তু বন্ধুরঃ ॥৩॥

9.4

যেনা শ্রবস্যবশ্চরথ দেবা ইবাসুরমায়য়া ।
শুনাং কপিরিব দূষণো বন্ধুরা কাববস্য চ ॥৪॥

9.5

দুষ্ট্যৈ হি ত্বা ভত্স্যামি দূষয়িষ্যামি কাববম্।
উদাশবো রথা ইব শপথেভিঃ সরিষ্যথ ॥৫॥

9.6

একশতং বিষ্কন্ধানি বিষ্ঠিতা পৃথিবীমনু ।
তেষাং ত্বামগ্রে উজ্জহরুর্মণিং বিষ্কন্ধদূষণম্ ॥৬॥