সূক্ত 8

8.1

রাষ্ট্রধারণম্। ১-৬ অথর্বা। ১ মিত্রঃ, পৃথিবী, বরুণঃ, বায়ুঃ, অগ্নিঃ, ২ ধাতা, সবিতা, ইন্দ্রঃ, ত্বষ্টা, অদিতিঃ, ৩ সোমঃ, সবিতা, আদিত্যঃ, অগ্নিঃ, ৪ বিশ্বে দেবাঃ, ৫-৬ সাংমনস্যম্। ত্রিষ্টুপ্, ২-৩ জগতী, ৪ চতুষ্পদা বিরাড্ বৃহতীগর্ভা, ৫ অনুষ্টুপ্।

আ যাতু মিত্র ঋতুভিঃ কল্পমানঃ সংবেশয়ন্ পৃথিবীমুস্রিয়াভিঃ ।
অথাস্মভ্যং বরুণো বায়ুরগ্নির্বৃহদ্ রাষ্ট্রং সংবেশ্যংঽ দধাতু ॥১॥

8.2

ধাতা রাতিঃ সবিতেদং জুষন্তামিন্দ্রস্ত্বষ্টা প্রতি হর্যন্তু মে বচঃ ।
হুবে দেবীমদিতিং শূরপুত্রাং সজাতানাং মধ্যমেষ্ঠা যথাসানি ॥২॥

8.3

হুবে সোমং সবিতারং নমোভির্বিশ্বানাদিত্যাঁ অহমুত্তরত্বে।
অয়মগ্নির্দীদায়দ্ দীর্ঘমেব সজাতৈরিদ্ধোঽপ্রতিব্রুবদ্ভিঃ ॥৩॥

8.4

ইহেদসাথ ন পরো গমাথের্যো গোপাঃ পুষ্টপতির্ব আজৎ।
অস্মৈ কামায়োপ কামিনীর্বিশ্বে বো দেবা উপসংয়ন্তু ॥৪॥

8.5

সং বো মনাংসি সং ব্রতা সমাকূতীর্নমামসি ।
অমী যে বিব্রতা স্থন তান্ বঃ সং নময়ামসি ॥৫॥

8.6

অহং গৃভ্ণামি মনসা মনাংসি মম চিত্তমনু চিত্তেভিরেত ।
মম বশেষু হৃদয়ানি বঃ কৃণোমি মম যাতমনুবর্ত্মান এত ॥৬॥