সূক্ত 7

7.1

যক্ষ্মনাশনম্। ১-৭ ভৃগ্বঙ্গিরাঃ। ১-৩ হরিণঃ, ৪ তারকে, ৫ আপঃ, ৬-৭ যক্ষ্মনাশনম্। অনুষ্টুপ্, ৬ ভুরিক্।

হরিণস্য রঘুষ্যদোঽধি শীর্ষণি ভেষজম্।
স ক্ষেত্রিয়ং বিষাণয়া বিষূচীনমনীনশৎ ॥১॥

7.2

অনু ত্বা হরিণো বৃষা পদ্ভিশ্চতুর্ভিরক্রমীৎ।
বিষাণে বি ষ্য গুষ্পিতং যদস্য ক্ষেত্রিয়ং হৃদি ॥২॥

7.3

অদো যদবরোচতে চতুষ্পক্ষমিব চ্ছদিঃ ।
তেনা তে সর্বং ক্ষেত্রিয়মঙ্গেভ্যো নাশয়ামসি ॥৩॥

7.4

অমূ যে দিবি সুভগে বিচৃতৌ নাম তারকে ।
বি ক্ষেত্রিয়স্য মুঞ্চতামধমং পাশমুত্তমম্ ॥৪॥

7.5

আপ ইদ্ বা উ ভেষজীরাপো অমীবচাতনীঃ ।
আপো বিশ্বস্য ভেষজীস্তাস্ত্বা মুঞ্চন্তু ক্ষেত্রিয়াৎ ॥৫॥

7.6

যদাসুতেঃ ক্রিয়মাণায়াঃ ক্ষেত্রিয়ং ত্বা ব্যানশে।
বেদাহং তস্য ভেষজং ক্ষেত্রিয়ং নাশয়ামি ত্বৎ ॥৬॥

7.7

অপবাসে নক্ষত্রাণামপবাস উষসামুত।
অপাস্মৎ সর্বং দুর্ভূতমপ ক্ষেত্রিয়মুচ্ছতু ॥৭॥