সূক্ত 6

6.1

শত্রুনাশনম্। ১-৮ জগদ্বীজং পুরুষঃ। বানস্পত্যোঽশ্বত্থঃ। অনুষ্টুপ্।

পুমান্ পুংসঃ পরিজাতোঽশ্বত্থঃ খদিরাদধি ।
স হন্তু শত্রূন্ মামকান্ যানহং দ্বেষ্মি যে চ মাম্ ॥১॥

6.2

তানশ্বত্থ নিঃ শৃণীহি শত্রূন্ বৈবাধদোধতঃ ।
ইন্দ্রেণ বৃত্রঘ্না মেদী মিত্রেণ বরুণেন চ ॥২॥

6.3

যথাশ্বত্থ নিরভনোঽন্তর্মহত্যঽর্ণবে।
এবা তান্ত্সর্বান্ নির্ভঙ্গ্ধি যানহং দ্বেষ্মি যে চ মাম্ ॥৩॥

6.4

যঃ সহমানশ্চরসি সাসহান ইব ঋষভঃ ।
তেনাশ্বত্থ ত্বয়া বয়ং সপত্নান্ত্সহিষীমহি ॥৪॥

6.5

সিনাত্বেনান্ নিরৃতির্মৃত্যোঃ পাশৈরমোক্যৈঃ ।
অশ্বত্থ শত্রূন্ মামকান্ যানহং দ্বেষ্মি যে চ মাম্ ॥৫॥

6.6

যথাশ্বত্থ বানস্পত্যানারোহন্ কৃণুষেঽধরান্।
এবা মে শত্রোর্মূর্ধানং বিষ্বগ্ ভিন্দ্ধি সহস্ব চ ॥৬॥

6.7

তেঽধরাঞ্চঃ প্র প্লবন্তাং ছিন্না নৌরিব বন্ধনাৎ।
ন বৈবাধপ্রণুত্তানাং পুনরস্তি নিবর্তনম্ ॥৭॥

6.8

প্রৈণান্ নুদে মনসা প্র চিত্তেনোত ব্রহ্মণা ।
প্রৈণান্ বৃক্ষস্য শাখয়াশ্বত্থস্য নুদামহে ॥৮॥