সূক্ত 10

10.1

রায়স্পোষপ্রাপ্তিঃ। ১-১৩ অথর্বা। অষ্টকা, ধেনুঃ, ২-৪ রাত্রিঃ, ধেনুঃ, ৫ একাষ্টকা, ৬ জাতবেদাঃ, পশবঃ, ৭ রাত্রিঃ, যজ্ঞ ৮ সংবত্সরঃ, ৯ ঋতবঃ, ১০ ধাতা বিধাতারৌ, ঋতবঃ, ১১ দেবাঃ, ১২ ইন্দ্রঃ, দেবাঃ, ১৩ প্রজাপতিঃ। অনুষ্টুপ্, ৪-৬,১২ ত্রিষ্টুপ্ ৭ ত্র্যবসানা ষট্পদা বিরাড্ গর্ভাতিজগতী।

প্রথমা হ ব্যুঽবাস সা ধেনুরভবদ্ যমে।
সা নঃ পয়স্বতী দুহামুত্তরামুত্তরাং সমাম্ ॥১॥

10.2

যাং দেবাঃ প্রতিনন্দন্তি রাত্রিং ধেনুমুপায়তীম্।
সংবত্সরস্য যা পত্নী সা নো অস্তু সুমঙ্গলী ॥২॥

10.3

সংবত্সরস্য প্রতিমাং যাং ত্বা রাত্র্যুপাস্মহে ।
সা ন আয়ুষ্মতীং প্রজাং রায়স্পোষেণ সং সৃজ ॥৩॥

10.4

ইয়মেব সা যা প্রথমা ব্যৌচ্ছদাস্বিতরাসু চরতি প্রবিষ্টা ।
মহান্তো অস্যাং মহিমানো অন্তর্বধূর্জিগায় নবগজ্জনিত্রী ॥৪॥

10.5

বানস্পত্যা গ্রাবাণো ঘোষমক্রত হবিষ্কৃণ্বন্তঃ পরিবত্সরীণম্।
একাষ্টকে সুপ্রজসঃ সুবীরা বয়ং স্যাম পতয়ো রয়ীণাম্ ॥৫॥

10.6

ইডায়াস্পদং ঘৃতবৎ সরীসৃপং জাতবেদঃ প্রতি হব্যা গৃভায় ।
যে গ্রাম্যাঃ পশবো বিশ্বরূপাস্তেষাং সপ্তানাং ময়ি রন্তিরস্তু ॥৬॥

10.7

আ মা পুষ্টে চ পোষে চ রাত্রি দেবানাং সুমতৌ স্যাম ।
পূর্ণা দর্বে পরা পত সুপূর্ণা পুনরা পত ।
সর্বান্ যজ্ঞান্ত্সংভুঞ্জতীষমূর্জং ন আ ভর ॥৭॥

10.8

আয়মগন্ত্সংবত্সরঃ পতিরেকাষ্টকে তব ।
সা ন আয়ুষ্মতীং প্রজাং রায়স্পোষেণ সং সৃজ ॥৮॥

10.9

ঋতূন্ যজ ঋতুপতীনার্তবানুত হায়নান্।
সমাঃ সংবত্সরান্ মাসান্ ভূতস্য পতয়ে যজে ॥৯॥

10.10

ঋতুভ্যষ্ট্বার্তবেভ্যো মাদ্ভ্যঃ সংবত্সরেভ্যঃ ।
ধাত্রে বিধাত্রে সমৃধে ভূতস্য পতয়ে যজে ॥১০॥

10.11

ইডয়া জুহ্বতো বয়ং দেবান্ ঘৃতবতা যজে ।
গৃহানলুভ্যতো বয়ং সং বিশেমোপ গোমতঃ ॥১১॥

10.12

একাষ্টকা তপসা তপ্যমানা জজান গর্ভং মহিমানমিন্দ্রম্।
তেন দেবা ব্যঽসহন্ত শত্রূন্ হন্তা দস্যূনামভবচ্ছচীপতিঃ ॥১২॥

10.13

ইন্দ্রপুত্রে সোমপুত্রে দুহিতাসি প্রজাপতেঃ ।
কামানস্মাকং পূরয় প্রতি গৃহ্ণাহি নো হবিঃ ॥১৩॥