সূক্ত 11

11.1

দীর্ঘায়ুঃ প্রাপ্তিঃ। ১-৮ ব্রহ্মা, ভৃগ্বঙ্গিরাশ্চ। ইন্দ্রাগ্নী, আয়ুষ্যং, যক্ষ্মনাশনম্। ত্রিষ্টুপ্, ৪ শক্করীগর্ভা জগতী, ৫-৬ অনুষ্টুপ্, ৭ উষ্ণিগ্বৃহতীগর্ভা পথ্যাপঙ্ক্তিঃ, ৮ ত্র্যবসানা ষট্ পদা বৃহতীগর্ভা জগতী।

মুঞ্চামি ত্বা হবিষা জীবনায় কমজ্ঞাতয়ক্ষ্মাদুত রাজয়ক্ষ্মাৎ।
গ্রাহির্জগ্রাহ যদ্যেতদেনং তস্যা ইন্দ্রাগ্নী প্র মুমুক্তমেনম্ ॥১॥

11.2

যদি ক্ষিতায়ুর্যদি বা পরেতো যদি মৃত্যোরন্তিকং নীত এব।
তমা হরামি নিরৃতেরুপস্থাদস্পার্শমেনং শতশারদায় ॥২॥

11.3

সহস্রাক্ষেণ শতবীর্যেণ শতায়ুষা হবিষাহার্ষমেনম্।
ইন্দ্রো যথৈনং শরদো নয়াত্যতি বিশ্বস্য দুরিতস্য পারম্ ॥৩॥

11.4

শতং জীব শরদো বর্ধমানঃ শতং হেমন্তান্ ছতমু বসন্তান্।
শতং ত ইন্দ্রো অগ্নিঃ সবিতা বৃহস্পতিঃ শতায়ুষা হবিষাহার্ষমেনম্ ॥৪॥

11.5

প্র বিশতং প্রাণাপানাবনড্বাহাবিব ব্রজম্।
ব্য১ন্যে যন্তু মৃত্যবো যানাহুরিতরান্ ছতম্ ॥৫॥

11.6

ইহৈব স্তং প্রাণাপানৌ মাপ গাতমিতো যুবম্।
শরীরমস্যাঙ্গানি জরসে বহতং পুনঃ ॥৬॥

11.7

জরায়ৈ ত্বা পরি দদামি জরায়ৈ নি ধুবামি ত্বা ।
জরা ত্বা ভদ্রা নেষ্ট ব্য১ন্যে যন্তু মৃত্যবো যানাহুরিতরান্ ছতম্ ॥৭॥

11.8

অভি ত্বা জরিমাহিত গামুক্ষণমিব রজ্জ্বা ।
যস্ত্বা মৃত্যুরভ্যধত্ত জায়মানং সুপাশয়া ।
তং তে সত্যস্য হস্তাভ্যামুদমুঞ্চদ্ বৃহস্পতিঃ ॥৮॥