সূক্ত 12

12.1

শালানির্মাণম্। ১-৯ ব্রহ্মা। শালা, বাস্তোষ্পতিঃ। ত্রিষ্টুপ্, ২ বিরাড্ জগতী, ৩ বৃহতী, ৬ শক্বরীগর্ভা জগতী, ৭ আর্ষী অনুষ্টুপ্, ৮ ভুরিক্, ৯অনুষ্টুপ্।

ইহৈব ধ্রুবাং নি মিনোমি শালাং ক্ষেমে তিষ্ঠাতি ঘৃতমুক্ষমাণা ।
তাং ত্বা শালে সর্ববীরাঃ সুবীরা অরিষ্টবীরা উপ সং চরেম ॥১॥

12.2

ইহৈব ধ্রুবা প্রতি তিষ্ঠ শালেঽশ্বাবতী গোমতী সূনৃতাবতী ।
ঊর্জস্বতী ঘৃতবতী পয়স্বত্যুচ্ছ্রয়স্ব মহতে সৌভগায় ॥২॥

12.3

ধরুণ্যঽসি শালে বৃহচ্ছন্দাঃ পূতিধান্যা ।
আ ত্বা বত্সো গমেদা কুমার আ ধেনবঃ সায়মাস্পন্দমানাঃ ॥৩॥

12.4

ইমাং শালাং সবিতা বায়ুরিন্দ্রো বৃহস্পতির্নি মিনোতু প্রজানন্।
উক্ষন্তূদ্না মরুতো ঘৃতেন ভগো নো রাজা নি কৃষিং তনোতু ॥৪॥

12.5

মানস্য পত্নি শরণা স্যোনা দেবী দেবেভির্নিমিতাস্যগ্রে ।
তৃণং বসানা সুমনা অসস্ত্বমথাস্মভ্যং সহবীরং রয়িং দাঃ ॥৫॥

12.6

ঋতেন স্থূণামধি রোহ বংশোগ্রো বিরাজন্নপ বৃঙ্ক্ষ্ব শত্রূন্।
মা তে রিষন্নুপসত্তারো গৃহাণাং শালে শতং জীবেম শরদঃ সর্ববীরাঃ ॥৬॥

12.7

এমাং কুমারস্তরুণ আ বত্সো জগতা সহ।
এমাং পরিস্রুতঃ কুম্ভ আ দধ্নঃ কলশৈরগুঃ ॥৭॥

12.8

পূর্ণং নারি প্র ভর কুম্ভমেতং ঘৃতস্য ধারামমৃতেন সংভৃতাম্।
ইমাং পাতৄনমৃতেনা সমঙ্গ্ধীষ্টাপূর্তমভি রক্ষাত্যেনাম্ ॥৮॥

12.9

ইমা আপঃ প্র ভরাম্যয়ক্ষ্মা যক্ষ্মনাশনীঃ ।
গৃহানুপ প্র সীদাম্যমৃতেন সহাগ্নিনা ॥৯॥