সূক্ত 13

13.1

আপঃ। ১-৭ ভৃগুঃ। বরুণঃ, সিন্ধুঃ, আপঃ, ২-৩ ইন্দ্রঃ। অনুষ্টুপ্, ১ নিচৃৎ, ৫ বিরাড্ জগতী, ৬ নিচৃদগনুষ্টুপ্।

যদদঃ সংপ্রয়তীরহাবনদতা হতে।
তস্মাদা নদ্যো৩ নাম স্থ তা বো নামানি সিন্ধবঃ ॥১॥

13.2

যৎ প্রেষিতা বরুণেনাচ্ছীভং সমবল্গত ।
তদাপ্নোদিন্দ্রো বো যতীস্তস্মাদাপো অনু ষ্ঠন ॥২॥

13.3

অপকামং স্যন্দমানা অবীবরত বো হি কম্।
ইন্দ্রো বঃ শক্তিভির্দেবীস্তস্মাদ্ বার্নাম বো হিতম্ ॥৩॥

13.4

একো বো দেবোঽপ্যতিষ্ঠৎ স্যন্দমানা যথাবশম্।
উদানিষুর্মহীরিতি তস্মাদুদকমুচ্যতে ॥৪॥

13.5

আপো ভদ্রা ঘৃতমিদাপ আসন্নগ্নীষোমৌ বিভ্রত্যাপ ইৎ তাঃ।
তীব্রো রসো মধুপৃচামরংগম আ মা প্রাণেন সহ বর্চসা গমেৎ ॥৫॥

13.6

আদিৎ পশ্যাম্যুত বা শৃণোম্যা মা ঘোষো গচ্ছতি বাঙ্ মাসাম্।
মন্যে ভেজানো অমৃতস্য তর্হি হিরণ্যবর্ণা অতৃপং যদা বঃ ॥৬॥

13.7

ইদং ব আপো হৃদয়ময়ং বত্স ঋতাবরীঃ ।
ইহেত্থমেত শক্বরীর্যত্রেদং বেশয়ামি বঃ ॥৭॥