সূক্ত 14

14.1

গোষ্ঠঃ। ১-৬ ব্রহ্মা। গোষ্ঠঃ, অহঃ, ২ অর্যমা, পূষা, বৃহস্পতিঃ, ইন্দ্রঃ, ১-৬ গাবঃ, ৫ গোষ্ঠশ্চ। অনুষ্টুপ্, ৬আর্ষী ত্রিষ্টুপ্।

সং বো গোষ্ঠেন সুষদা সং রয্যা সং সুভূত্যা ।
অহর্জাতস্য যন্নাম তেনা বঃ সং সৃজামসি ॥১॥

14.2

সং বঃ সৃজত্বর্যমা সং পূষা সং বৃহস্পতিঃ ।
সমিন্দ্রো যো ধনংজয়ো ময়ি পুষ্যত যদ্ বসু ॥২॥

14.3

সংজগ্মানা অবিভ্যুষীরস্মিন্ গোষ্ঠে করীষিণীঃ ।
বিভ্রতীঃ সোম্যং মধ্বনমীবা উপেতন ॥৩॥

14.4

ইহৈব গাব এতনেহো শকেব পুষ্যত ।
ইহৈবোত প্র জায়ধ্বং ময়ি সংজ্ঞানমস্তু বঃ ॥৪॥

14.5

শিবো বো গোষ্ঠো ভবতু শারিশাকেব পুষ্যত ।
ইহৈবোত প্র জায়ধ্বং ময়া বঃ সং সৃজামসি ॥৫॥

14.6

ময়া গাবো গোপতিনা সচধ্বময়ং বো গোষ্ঠ ইহ পোষয়িষ্ণুঃ ।
রায়স্পোষেণ বহুলা ভবন্তীর্জীবা জীবন্তীরুপ বঃ সদেম ॥৬॥