সূক্ত 15

15.1

বাণিজ্যম্। ১-৮ অথর্বা (পণ্যকামঃ)। বিশ্বে দেবাঃ, ইন্দ্রাগ্নী। ত্রিষ্টুপ্,১ ভুরিক্, ৪ ত্র্যবসানা ষট্ পদা বৃহতীগর্ভা বিরাডত্যষ্টিঃ, ৫ বিরাড্জগতী, ৭ অনুষ্টুপ্, ৮ নিচৃৎ।

ইন্দ্রমহং বণিজং চোদয়ামি স ন ঐতু পুরএতা নো অস্তু ।
নুদন্নরাতিং পরিপন্থিনং মৃগং স ঈশানো ধনদা অস্তু মহ্যম্ ॥১॥

15.2

যে পন্থানো বহবো দেবয়ানা অন্তরা দ্যাবাপৃথিবী সংচরন্তি ।
তে মা জুষন্তাং পয়সা ঘৃতেন যথা ক্রীত্বা ধনমাহরাণি ॥২॥

15.3

ইধ্মেনাগ্ন ইচ্ছমানো ঘৃতেন জুহোমি হব্যং তরসে বলায় ।
যাবদীশে ব্রহ্মণা বন্দমান ইমাং ধিয়ং শতসেয়ায় দেবীম্ ॥৩॥

15.4

ইমামগ্নে শরণিং মীমৃষো নো যমধ্বানমগাম দূরম্।
শুনং নো অস্তু প্রপণো বিক্রয়শ্চ প্রতিপণঃ ফলিনং মা কৃণোতু ।
ইদং হব্যং সংবিদানৌ জুষেথাং শুনং নো অস্তু চরিতমুত্থিতং চ ॥৪॥

15.5

যেন ধনেন প্রপণং চরামি ধনেন দেবা ধনমিচ্ছমানঃ ।
তন্মে ভূয়ো ভবতু মা কনীয়োঽগ্নে সাতঘ্নো দেবান্ হবিষা নি ষেধ ॥৫॥

15.6

যেন ধনেন প্রপণং চরামি ধনেন দেবা ধনমিচ্ছমানঃ ।
তস্মিন্ ম ইন্দ্রো রুচিমা দধাতু প্রজাপতিঃ সবিতা সোমো অগ্নিঃ ॥৬॥

15.7

উপ ত্বা নমসা বয়ং হোতর্বৈশ্বানর স্তুমঃ ।
স নঃ প্রজাস্বাত্মসু গোষু প্রাণেষু জাগৃহি ॥৭॥

15.8

বিশ্বাহা তে সদমিদ্ ভরেমাশ্বায়েব তিষ্ঠতে জাতবেদঃ ।
রায়স্পোষেণ সমিষা মদন্তো মা তে অগ্নে প্রতিবেশা রিষাম ॥৮॥