সূক্ত 16

16.1

স্বস্তয়ে প্রার্থনা। ১-৭ অথর্বা। ১ অগ্নিঃ, ইন্দ্রঃ, মিত্রাবরুণৌ, অশ্বিনৌ, ভগঃ, পূষা, ব্রহ্মণস্পতিঃ, সোমঃ, রুদ্রঃ, ২-৩ ৫ ভগঃ, আদিত্যঃ, ৪ ইন্দ্রঃ, ৬ দধিক্রবা, অশ্বাঃ, ৭ উষাঃ। ত্রিষ্টুপ্, ১ আর্ষী জগতী, ৪ ভুরিক্ পঙ্ক্তিঃ।

প্রাতরগ্নিং প্রাতরিন্দ্রং হবামহে প্রাতর্মিত্রাবরুণা প্রাতরশ্বিনা ।
প্রাতর্ভগং পূষণং ব্রহ্মণস্পতিং প্রাতঃ সোমমুত রুদ্রং হবামহে ॥১॥

16.2

প্রাতর্জিতং ভগমুগ্রং হবামহে বয়ং পুত্রমদিতের্যো বিধর্তা।
আধ্রশ্চিদ্ যং মন্যমানস্তুরশ্চিদ্ রাজা চিদ্ যং ভগং ভক্ষীত্যাহ ॥২॥

16.3

ভগ প্রণেতর্ভগ সত্যরাধো ভগেমাং ধিয়মুদবা দদন্নঃ ।
ভগ প্র ণো জনয় গোভিরশ্বৈর্ভগ প্র নৃভির্নৃবন্তঃ স্যাম ॥৩॥

16.4

উতেদানীং ভগবন্তঃ স্যামোত প্রপিত্ব উত মধ্যে অহ্নাম্।
উতোদিতৌ মঘবন্ত্সূর্যস্য বয়ং দেবানাং সুমতৌ স্যাম ॥৪॥

16.5

ভগ এব ভগবাঁ অস্তু দেবস্তেনা বয়ং ভগবন্তঃ স্যাম ।
তং ত্বা ভগ সর্ব ইজ্জোহবীমি স নো ভগ পুরএতা ভবেহ ॥৫॥

16.6

সমধ্বরায়োষসো নমন্ত দধিক্রাবেব শুচয়ে পদায় ।
অর্বাচীনং বসুবিদং ভগং মে রথমিবাশ্বা বাজিন আ বহন্তু ॥৬॥

16.7

অশ্বাবতীর্গোমতীর্ন উষাসো বীরবতীঃ সদমুছন্তু ভদ্রাঃ ।
ঘৃতং দুহানা বিশ্বতঃ প্রপীতা যূয়ং পাত স্বস্তিভিঃ সদা নঃ ॥৭॥