সূক্ত 17

17.1

কৃষিঃ। ১-৯ বিশ্বামিত্রঃ। সীতা। অনুষ্টুপ্, ১আর্ষী গায়ত্রী, ২, ৫, ৯ ত্রিষ্টুপ্, ৩ পথ্যাপঙ্ক্তিঃ, ৭ বিরাট্ পুর উষ্ণিক্, ৮ নিচৃৎ।

সীরা যুঞ্জন্তি কবয়ো যুগা বি তন্বতে পৃথক্। ধীরা দেবেষু সুম্নয়ৌ ॥১॥

যুনক্ত সীরা বি যুগা তনোত কৃতে যোনৌ বপতেহ বীজম্।
বিরাজঃ শ্নুষ্টিঃ সভরা অসন্নো নেদীয় ইৎ সৃণ্যঃ পক্বমা যবন্ ॥২॥

লাঙ্গলং পবীরবৎ সুশীমং সোমসত্সরু ।
উদিদ্ বপতু গামবিং প্রস্থাবদ্ রথবাহনং পীবরীং চ প্রফর্ব্যঽম্ ॥৩॥

ইন্দ্রঃ সীতাং নি গৃহ্ণাতু তাং পূষাভি রক্ষতু ।
সা নঃ পয়স্বতী দুহামুত্তরামুত্তরাং সমাম্ ॥৪॥

শুনং সুফালা বি তুদন্তু ভূমিং শুনং কীনাশা অনু যন্তু বাহান্।
শুনাসীরা হবিষা তোশমানা সুপিপ্পলা ওষধীঃ কর্তমস্মৈ ॥৫॥

শুনং বাহাঃ শুনং নরঃ শুনং কৃষতু লাঙ্গলম্।
শুনং বরত্রা বধ্যন্তাং শুনমষ্ট্রামুদিঙ্গয় ॥৬॥

শুনাসীরেহ স্ম মে জুষেথাম্।
যদ্ দিবি চক্রথুঃ পয়স্তেনেমামুপ সিঞ্চতম্ ॥৭॥

সীতে বন্দামহে ত্বার্বাচী সুভগে ভব ।
যথা নঃ সুমনা অসো যথা নঃ সুফলা ভুবঃ ॥৮॥

ঘৃতেন সীতা মধুনা সমক্তা বিশ্বৈর্দেবৈরনুমতা মরুদ্ভিঃ ।
সা নঃ সীতে পয়সাভ্যাববৃত্স্বোর্জস্বতী ঘৃতবৎ পিন্বমানা ॥৯॥