সূক্ত 18

18.1

বনস্পতিঃ। ১-৬ অথর্বা। বনস্পতিঃ। অনুষ্টুপ্, ৪ অনুষ্টুব্গর্ভা চতুষ্পদা উষ্ণিক্, ৬ উষ্ণিগ্গর্ভা পথ্যাপঙ্ক্তিঃ।

ইমাং খনাম্যোষধিং বীরুধাং বলবত্তমাম্।
যয়া সপত্নীং বাধতে যয়া সংবিন্দতে পতিম্ ॥১॥

18.2

উত্তানপর্ণে সুভগে দেবজূতে সহস্বতি ।
সপত্নীং মে পরা ণুদ পতিং মে কেবলং কৃধি ॥২॥

18.3

নহি তে নাম জগ্রাহ নো অস্মিন্ রমসে পতৌ ।
পরামেব পরাবতং সপত্নীং গময়ামসি ॥৩॥

18.4

উত্তরাহমুত্তর উত্তরেদুত্তরাভ্যঃ ।
অধঃ সপত্নী যা মমাধরা সাধরাভ্যঃ ॥৪॥

18.5

অহমস্মি সহমানাথো ত্বমসি সাসহিঃ ।
উভে সহস্বতী ভূত্বা সপত্নীং মে সহাবহৈ ॥৫॥

18.6

অভি তেঽধাং সহমানামুপ তেঽধাং সহীয়সীম্।
মামনু প্র তে মনো বত্সং গৌরিব ধাবতু পথা বারিব ধাবতু ॥৬॥