Sukta 18

18.1

Vanaspatih, 1-6 atharva, vanaspatih, anushtup, 4 anushtubgarbha chatushpada ushnik, 6 ushniggarbha pathyapanktih

इ॒मां ख॑ना॒म्योष॑धिं वी॒रुधां॒ बल॑वत्तमाम्।
यया॑ स॒पत्नीं॒ बाध॑ते॒ यया॑ संवि॒न्दते॒ पति॑म् ॥१॥

Imam khanamyoshadhim virudham balavattamam
Yaya sapatnim badhate yaya sanvindate patim

18.2

उत्ता॑नपर्णे॒ सुभ॑गे॒ देव॑जूते॒ सह॑स्वति ।
स॒पत्नीं॑ मे॒ परा॑ णुद॒ पतिं॑ मे॒ केव॑लं कृधि ॥२॥

Uttanaparne subhage devajute sahasvati
Sapatnim me para nuda patim me kevalam kridhi

18.3

न॒हि ते॒ नाम॑ ज॒ग्राह॒ नो अ॒स्मिन् र॑मसे॒ पतौ॑ ।
परा॑मे॒व प॑रा॒वतं॑ स॒पत्नीं॑ गमयामसि ॥३॥

Nahi te nama jagraha no asmin ramase patau
Parameva paravatam sapatnim gamayamasi

18.4

उत्त॑रा॒हमु॑त्तर॒ उत्त॒रेदुत्त॑राभ्यः ।
अ॒धः स॒पत्नी॒ या ममाध॑रा॒ साध॑राभ्यः ॥४॥

Uttarahamuttara uttareduttarabhyah
Adhah sapatni ya mamadhara sadharabhyah

18.5

अ॒हम॑स्मि॒ सह॑मा॒नाथो॒ त्वम॑सि सास॒हिः ।
उ॒भे सह॑स्वती भू॒त्वा स॒पत्नीं॑ मे सहावहै ॥५॥

Ahamasmi sahamanatho tvamasi sasahih
Ubhe sahasvati bhutva sapatnim me sahavahai

18.6

अ॒भि ते॑ऽधां॒ सह॑माना॒मुप॑ तेऽधां॒ सही॑यसीम्।
मामनु॒ प्र ते॒ मनो॑ व॒त्सं गौरि॑व धावतु प॒था वारि॑व धावतु ॥६॥

Abhi tedham sahamanamupa tedham sahiyasim
Mamanu pra te mano vatsam gauriva dhavatu patha variva dhavatu