Sukta 19

19.1

Ajaram kshatram, 1-8 vasishthah, vishve devah, chandramah, indrah, anushtup, 1 pathyabrihati, 3 bhurigbrihati, 5 trishtup, 6 tryavasana shatpada trishtupkakummatigarbhatijagati, 7 viradastarapanktih, 8 pathyapanktih

संशि॑तं म इ॒दं ब्रह्म॒ संशि॑तं वी॒र्य॑१ बल॑म्।
संशि॑तं क्ष॒त्रम॒जर॑मस्तु जि॒ष्णुर्येषा॒मस्मि॑ पु॒रोहि॑तः ॥१॥

Sanshitam ma idam brahma sanshitam virya1 balam
Sanshitam kshatramajaramastu jishnuryeshamasmi purohitah

19.2

सम॒हमे॒षां रा॒ष्ट्रं स्या॑मि॒ समोजो॑ वी॒र्य॑१ बल॑म्।
वृ॒श्चामि॒ शत्रू॑णां बा॒हून॒नेन॑ ह॒विषा॒हम् ॥२॥

Samahamesham rashtram syami samojo virya1 balam
Vrishchami shatrunam bahunanena havishaham

19.3

नी॒चैः प॑द्यन्ता॒मध॑रे भवन्तु॒ ये नः॑ सू॒रिं म॒घवा॑नं पृत॒न्यान्।
क्षि॒णामि॒ ब्रह्म॑णा॒मित्रा॒नुन्न॑यामि॒ स्वान॒हम् ॥३॥

Nichaih padyantamadhare bhavantu ye nah surim maghavanam pritanyan
Kshinami brahmanamitranunnayami svanaham

19.4

तीक्ष्णी॑यांसः पर॒शोर॒ग्नेस्तीक्ष्ण॑तरा उत॑।
इन्द्र॑स्य॒ वज्रा॒त् तीक्ष्णी॑यांसो॒ येषा॒मस्मि॑ पु॒रोहि॑तः ॥४॥

Tikshniyansah parashoragnestikshnatara uta
Indrasya vajrat tikshniyanso yeshamasmi purohitah

19.5

ए॒षाम॒हमायु॑धा॒ सं स्या॑म्ये॒षां रा॒ष्ट्रं सुवी॑रं वर्धयामि ।
ए॒षां क्ष॒त्रम॒जर॑मस्तु जि॒ष्ण्वे॒३षां चि॒त्तं विश्वे॑ऽवन्तु दे॒वाः ॥५॥

Eshamahamayudha sam syamyesham rashtram suviram vardhayami
Esham kshatramajaramastu jishnve3sham chittam vishvevantu devah

19.6

उद्ध॑र्षन्तां मघव॒न् वाजि॑ना॒न्युद् वी॒राणां॒ जय॑तामेतु॒ घोषः॑ ।
पृथ॒ग् घोषा॑ उलु॒लयः॑ केतु॒मन्त॒ उदी॑रताम्।
दे॒वा इन्द्र॑ज्येष्ठा म॒रुतो॑ यन्तु॒ सेन॑या ॥६॥

Uddharshantam maghavan vajinanyud viranam jayatametu ghoshah
Prithag ghosha ululayah ketumanta udiratam
Deva indrajyeshtha maruto yantu senaya

19.7

प्रेता॒ जय॑ता नर उ॒ग्रा वः॑ सन्तु बा॒हवः॑ ।
ती॒क्ष्णेष॑वोऽब॒लध॑न्वनो हतो॒ग्रायु॑धा अब॒लानु॒ग्रबा॑हवः ॥७॥

Preta jayata nara ugra vah santu bahavah
Tikshneshavobaladhanvano hatograyudha abalanugrabahavah

19.8

अव॑सृष्टा॒ परा॑ पत॒ शर॑व्ये॒ ब्रह्म॑संशिते ।
जया॒मित्रा॒न् प्र प॑द्यस्व ज॒ह्येऽषां॒ वरं॑वरं॒ मामीषां॑ मोचि॒ कश्च॒न ॥८॥

Avasrishta para pata sharavye brahmasanshite
Jayamitran pra padyasva jahyesham varanvaram mamisham mochi kashchana