সূক্ত 30

30.1

সাংমনস্যম্। ১-৭ অথর্বা। চন্দ্রমাঃ, সাংমনস্যম্। অনুষ্টুপ্, ৫ বিরাড্ জগতী, ৬ প্রস্তারপঙ্ক্তিঃ, ৭ ত্রিষ্টুপ্।

সহৃদয়ং সাংমনস্যমবিদ্বেষং কৃণোমি বঃ ।
অন্যো অন্যমভি হর্যত বত্সং জাতমিবাঘ্ন্যা ॥১॥

30.2

অনুব্রতঃ পিতুঃ পুত্রো মাত্রা ভবতু সংমনাঃ ।
জায়া পত্যে মধুমতীং বাচং বদতু শন্তিবাম্ ॥২॥

30.3

মা ভ্রাতা ভ্রাতরং দ্বিক্ষন্মা স্বসারমুত স্বসা ।
সম্যঞ্চঃ সব্রতা ভূত্বা বাচং বদত ভদ্রয়া ॥৩॥

30.4

যেন দেবা ন বিয়ন্তি নো চ বিদ্বিষতে মিথঃ ।
তৎ কৃণ্মো ব্রহ্ম বো গৃহে সংজ্ঞানং পুরুষেভ্যঃ ॥৪॥

30.5

জ্যায়স্বন্তশ্চিত্তিনো মা বি যৌষ্ট সংরাধয়ন্তঃ সধুরাশ্চরন্তঃ ।
অন্যো অন্যস্মৈ বল্গু বদন্ত এত সধ্রীচীনান্ বঃ সংমনসস্কৃণোমি ॥৫॥

30.6

সমানী প্রপা সহ বোঽন্নভাগঃ সমানে যোক্ত্রে সহ বো যুনজ্মি ।
সম্যঞ্চোঽগ্নিং সপর্যতারা নাভিমিবাভিতঃ ॥৬॥

30.7

সধ্রীচীনান্ বঃ সংমনসস্কৃণোম্যেকশ্নুষ্টীন্ত্সংবননেন সর্বান্।
দেবা ইবামৃতং রক্ষমাণাঃ সায়ংপ্রাতঃ সৌমনসো বো অস্তু ॥৭॥