সূক্ত 31

31.1

যক্ষ্মনাশনম্ ১-১১ ব্রহ্মা। পাপ্মহা, ১ অগ্নিঃ, ২ শক্রঃ, ৩ পশবঃ, ৪ দ্যাবাপৃথিবী, ৫ ত্বষ্টা, ৬ অগ্নিঃ, ইন্দ্রঃ, ৭ দেবাঃ, সূর্যঃ, ৮-১০ আয়ুঃ, ১১ পর্জন্যঃ। অনুষ্টুপ্, ৪ ভুরিক্ ৫ বিরাট্ প্রস্তারপঙ্ক্তিঃ।

বি দেবা জরসাবৃতন্ বি ত্বমগ্নে অরাত্যা ।
ব্য১হং সর্বেণ পাপ্মনা বি যক্ষ্মেণ সমায়ুষা ॥১॥

31.2

ব্যার্ত্যা পবমানো বি শক্রঃ পাপকৃত্যয়া ।
ব্য১হং সর্বেণ পাপ্মনা বি যক্ষ্মেণ সমায়ুষা ॥২॥

31.3

বি গ্রাম্যাঃ পশব আরণ্যৈর্ব্যাঽপস্তৃষ্ণয়াসরন্।
ব্য১হং সর্বেণ পাপ্মনা বি যক্ষ্মেণ সমায়ুষা ॥৩॥

31.4

বী৩মে দ্যাবাপৃথিবী ইতো বি পন্থানো দিশংদিশম্।
ব্য১হং সর্বেণ পাপ্মনা বি যক্ষ্মেণ সমায়ুষা ॥৪॥

31.5

ত্বষ্টা দুহিত্রে বহতুং যুনক্তীতীদং বিশ্বং ভুবনং বি যাতি ।
ব্য১হং সর্বেণ পাপ্মনা বি যক্ষ্মেণ সমায়ুষা ॥৫॥

31.6

অগ্নিঃ প্রাণান্ত্সং দধাতি চন্দ্রঃ প্রাণেন সংহিতঃ ।
ব্য১হং সর্বেণ পাপ্মনা বি যক্ষ্মেণ সমায়ুষা ॥৬॥

31.7

প্রাণেন বিশ্বতোবীর্যং দেবাঃ সূর্যং সমৈরয়ন্।
ব্য১হং সর্বেণ পাপ্মনা বি যক্ষ্মেণ সমায়ুষা ॥৭॥

31.8

আয়ুষ্মতামায়ুষ্কৃতাং প্রাণেন জীব মা মৃথাঃ ।
ব্য১হং সর্বেণ পাপ্মনা বি যক্ষ্মেণ সমায়ুষা ॥৮॥

31.9

প্রাণেন প্রাণতাং প্রাণেহৈব ভব মা মৃথাঃ ।
ব্য১হং সর্বেণ পাপ্মনা বি যক্ষ্মেণ সমায়ুষা ॥৯॥

31.10

উদায়ুষা সমায়ুষোদোষধীনাং রসেন ।
ব্য১হং সর্বেণ পাপ্মনা বি যক্ষ্মেণ সমায়ুষা ॥১০॥

31.11

আপর্জন্যস্য বৃষ্ট্যোদস্থামামৃতা বয়ম্।
ব্য১হং সর্বেণ পাপ্মনা বি যক্ষ্মেণ সমায়ুষা ॥১১॥