সূক্ত 29

29.1

অবিঃ। ১-৮ উদ্দালকঃ। শিতিপাদ্ অবিঃ, ৭ কামঃ, ৮ ভূমিঃ। অনুষ্টুপ্, ১, ৩ পথ্যাপঙ্ক্তিঃ, ৭ ত্র্যবসানা ষট্পদা উপরিষ্টা দ্দৈবী বৃহতী ককুম্মতীগর্ভা বিরাড্ জগতী, ৮ উপরিষ্টাদ্ বৃহতী।

যদ্ রাজানো বিভজন্ত ইষ্টাপূর্তস্য ষোডশং যমস্যামী সভাসদঃ ।
অবিস্তস্মাৎ প্র মুঞ্চতি দত্তঃ শিতিপাৎ স্বধা ॥১॥

29.2

সর্বান্ কামান্ পূরয়ত্যাভবন্ প্রভবন্ ভবন্।
আকূতিপ্রোঽবির্দত্তঃ শিতিপান্নোপ দস্যতি ॥২॥

29.3

যো দদাতি শিতিপাদমবিং লোকেন সংমিতম্।
স নাকমভ্যারোহতি যত্র শুল্কো ন ক্রিয়তে অবলেন বলীয়সে ॥৩॥

29.4

পঞ্চাপূপং শিতিপাদমবিং লোকেন সংমিতম্।
প্রদাতোপ জীবতি পিতৄণাং লোকেঽক্ষিতম্ ॥৪॥

29.5

পঞ্চাপূপং শিতিপাদমবিং লোকেন সংমিতম্।
প্রদাতোপ জীবতি সূর্যামাসয়োরক্ষিতম্ ॥৫॥

29.6

ইরেব নোপ দস্যতি সমুদ্রইব পয়ো মহৎ।
দেবউসবাসিনাবিব শিতিপান্নোপ দস্যতি ॥৬॥

29.7

ক ইদং কস্মা অদাৎ কামঃ কামায়াদাৎ।
কামো দাতা কামঃ প্রতিগ্রহীতা কামঃ সমুদ্রমা বিবেশ ।
কামেন ত্বা প্রতি গৃহ্ণামি কামৈতৎ তে ॥৭॥

29.8

ভূমিষ্ট্বা প্রতি গৃহ্ণাত্বন্তরিক্ষমিদং মহৎ।
মাহং প্রাণেন মাত্মনা মা প্রজয়া প্রতিগৃহ্য বি রাধিষি ॥৮॥