সূক্ত 28

28.1

পশুপোষণম্। ১-৬ ব্রহ্মা। যমিনী। অনুষ্টুপ্, ১ অতিশক্বরীগর্ভা চতুষ্পদাতিজগতী, ৪ যবমধ্যা বিরাট্ ককুপ্, ৫ ত্রিষ্টুপ্, ৬ বিরাড্গর্ভা প্রস্তারপঙ্ক্তিঃ।

একৈকয়ৈষা সৃষ্ট্যা সং বভূব যত্র গা অসৃজন্ত ভূতকৃতো বিশ্বরূপাঃ ।
যত্র বিজায়তে যমিন্যপর্তুঃ সা পশূন্ ক্ষিণাতি রিফতী রুশতী ॥১॥

28.2

এষা পশূন্ত্সং ক্ষিণাতি ক্রব্যাদ্ ভূত্বা ব্যদ্বরী ।
উতৈনাং ব্রহ্মণে দদ্যাৎ তথা স্যোনা শিবা স্যাৎ ॥২॥

28.3

শিবা ভব পুরুষেভ্যো গোভ্যো অশ্বেভ্যঃ শিবা।
শিবাস্মৈ সর্বস্মৈ ক্ষেত্রায় শিবা ন ইহৈধি ॥৩॥

28.4

ইহ পুষ্টিরিহ রস ইহ সহস্রসাতমা ভব । পশূন্ যমিনি পোষয় ॥৪॥

28.5

যত্রা সুহার্দঃ সুকৃতো মদন্তি বিহায় রোগং তন্ব১ স্বায়াঃ ।
তং লোকং যমিন্যভিসংবভূব সা নো মা হিংসীৎ পুরুষান্ পশূংশ্চ ॥৫॥

28.6

যত্রা সুহার্দাং সুকৃতামগ্নিহোত্রহুতাং যত্র লোকঃ ।
তং লোকং যমিন্যভিসংবভূব সা নো মা হিংসীৎ পুরুষান্ পশূংশ্চ ॥৬॥