Sukta 28

28.1

Pashuposhanam, 1-6 brahma, yamini, anushtup, 1 atishakvarigarbha chatushpadatijagati, 4 yavamadhya virat kakup, 5 trishtup, 6 viradgarbha prastarapanktih

एकै॑कयै॒षा सृष्ट्या॒ सं ब॑भूव॒ यत्र॒ गा असृ॑जन्त भूत॒कृतो॑ वि॒श्वरू॑पाः ।
यत्र॑ वि॒जाय॑ते य॒मिन्य॑प॒र्तुः सा प॒शून् क्षि॑णाति रिफ॒ती रुश॑ती ॥१॥

Ekaikayaisha srishtya sam babhuva yatra ga asrijanta bhutakrito vishvarupah
Yatra vijayate yaminyapartuh sa pashun kshinati riphati rushati

28.2

ए॒षा प॒शून्त्सं क्षि॑णाति क्र॒व्याद् भू॒त्वा व्यद्व॑री ।
उ॒तैनां॑ ब्र॒ह्मणे॑ दद्या॒त् तथा॑ स्यो॒ना शि॒वा स्या॑त् ॥२॥

Esha pashuntsam kshinati kravyad bhutva vyadvari
Utainam brahmane dadyat tatha syona shiva syat

28.3

शि॒वा भ॑व॒ पुरु॑षेभ्यो॒ गोभ्यो॒ अश्वे॑भ्यः शि॒वा।
शि॒वास्मै सर्व॑स्मै॒ क्षेत्रा॑य शि॒वा न॑ इ॒हैधि॑ ॥३॥

Shiva bhava purushebhyo gobhyo ashvebhyah shiva
Shivasmai sarvasmai kshetraya shiva na ihaidhi

28.4

इ॒ह पुष्टि॑रि॒ह रस॑ इ॒ह स॒हस्र॑सातमा भव । प॒शून् य॑मिनि पोषय ॥४॥

Iha pushtiriha rasa iha sahasrasatama bhava, pashun yamini poshaya

28.5

यत्रा॑ सु॒हार्दः॑ सु॒कृतो॒ मद॑न्ति वि॒हाय॒ रोगं॑ त॒न्व॑१ स्वायाः॑ ।
तं लो॒कं य॒मिन्य॑भि॒संब॑भूव॒ सा नो॒ मा हिं॑सी॒त् पुरु॑षान् प॒शूंश्च॑ ॥५॥

Yatra suhardah sukrito madanti vihaya rogam tanva1 svayah
Tam lokam yaminyabhisambabhuva sa no ma hinsit purushan pashunshcha

28.6

यत्रा॑ सु॒हार्दां॑ सु॒कृता॑मग्निहोत्र॒हुतां॒ यत्र॑ लो॒कः ।
तं लो॒कं य॒मिन्य॑भि॒संब॑भूव॒ सा नो॒ मा हिं॑सी॒त् पुरु॑षान् प॒शूंश्च॑ ॥६॥

Yatra suhardam sukritamagnihotrahutam yatra lokah
Tam lokam yaminyabhisambabhuva sa no ma hinsit purushan pashunshcha