Sukta 29

29.1

Avih, 1-8 uddalakah, shitipad avih, 7 kamah, 8 bhumih, anushtup, 1, 3 pathyapanktih, 7 tryavasana shatpada uparishta ddaivi brihati kakummatigarbha virad jagati, 8 uparishtad brihati

यद् राजा॑नो वि॒भज॑न्त इष्टापू॒र्तस्य॑ षोड॒शं य॒मस्या॒मी स॑भा॒सदः॑ ।
अवि॒स्तस्मा॒त् प्र मु॑ञ्चति द॒त्तः शि॑ति॒पात् स्व॒धा ॥१॥

Yad rajano vibhajanta ishtapurtasya shodasham yamasyami sabhasadah
Avistasmat pra munchati dattah shitipat svadha

29.2

सर्वा॒न् कामा॑न् पूरयत्या॒भव॑न् प्र॒भव॒न् भव॑न्।
आ॒कू॒ति॒प्रोऽवि॑र्द॒त्तः शि॑ति॒पान्नोप॑ दस्यति ॥२॥

Sarvan kaman purayatyabhavan prabhavan bhavan
Akutiprovirdattah shitipannopa dasyati

29.3

यो ददा॑ति शिति॒पाद॒मविं॑ लो॒केन॒ संमि॑तम्।
स नाक॑म॒भ्यारो॑हति॒ यत्र॑ शु॒ल्को न क्रि॒यते॑ अब॒लेन॒ बली॑यसे ॥३॥

Yo dadati shitipadamavim lokena sammitam
Sa nakamabhyarohati yatra shulko na kriyate abalena baliyase

29.4

पञ्चा॑पूपं शिति॒पाद॒मविं॑ लो॒केन॒ संमि॑तम्।
प्र॒दा॒तोप॑ जीवति पितॄ॒णां लो॒केऽक्षि॑तम् ॥४॥

Panchapupam shitipadamavim lokena sammitam
Pradatopa jivati pitrinam lokekshitam

29.5

पञ्चा॑पूपं शिति॒पाद॒मविं॑ लो॒केन॒ संमि॑तम्।
प्र॒दा॒तोप॑ जीवति सूर्यामा॒सयो॒रक्षि॑तम् ॥५॥

Panchapupam shitipadamavim lokena sammitam
Pradatopa jivati suryamasayorakshitam

29.6

इ॑रेव नो॑प दस्यति समुद्र॑इव प॑यो मह॑त्।
देवउ॑सवासि॑नाविव शितिपा॑न्नो॑प दस्यति ॥६॥

Ireva nopa dasyati samudraiva payo mahat
Devausavasinaviva shitipannopa dasyati

29.7

क इ॒दं कस्मा॑ अदा॒त् कामः॒ कामा॑यादात्।
कामो॑ दा॒ता कामः॑ प्रतिग्रही॒ता कामः॑ समु॒द्रमा वि॑वेश ।
कामे॑न त्वा॒ प्रति॑ गृह्णामि॒ कामै॒तत् ते॑ ॥७॥

Ka idam kasma adat kamah kamayadat
Kamo data kamah pratigrahita kamah samudrama vivesha
Kamena tva prati grihnami kamaitat te

29.8

भूमि॑ष्ट्वा॒ प्रति॑ गृह्णात्व॒न्तरि॑क्षमि॒दं म॒हत्।
माहं प्रा॒णेन॒ मात्मना॒ मा प्र॒जया॑ प्रति॒गृह्य॒ वि रा॑धिषि ॥८॥

Bhumishtva prati grihnatvantarikshamidam mahat
Maham pranena matmana ma prajaya pratigrihya vi radhishi