সূক্ত 27

27.1

শত্রুনিবারণম্। ১-৬ অথর্বা। দিশঃ, রুদ্রঃ, ১ অগ্নিঃ অসিতঃ, আদিত্যাঃ, ২ ইন্দ্রঃ, তিরশ্চিরাজী, পিতরঃ, ৩ বরুণঃ পৃদাকুঃ, অন্নং, ৪ সোমঃ, স্বজঃ, অশনিঃ, ৫ বিষ্ণুঃ, কল্মাষগ্রীবো বীরুধঃ, ৬ বৃহস্পতিঃ, শ্বিত্রং, বর্ষম্। ১-৬ পঞ্চপদা ককুম্মতীগর্ভাঽষ্টিঃ, (২ অত্যষ্টিঃ, ৫ ভুরিক্)।

প্রাচী দিগগ্নিরধিপতিরসিতো রক্ষিতাদিত্যাল ইষবঃ ।
তেভ্যো নমোঽধিপতিভ্যো নমো রক্ষিতৃভ্যো নম ইষুভ্যো নম এভ্যো অস্তু ।
যো৩ঽস্মান্ দ্বেষ্টি যং বয়ং দ্বিষ্মস্তং বো জম্ভে দধ্মঃ ॥১॥

27.2

দক্ষিণা দিগিন্দ্রোঽধিপতিস্তিরশ্চিরাজী রক্ষিতা পিতর ইষবঃ ।
তেভ্যো নমোঽধিপতিভ্যো নমো রক্ষিতৃভ্যো নম ইষুভ্যো নম এভ্যো অস্তু ।
যো৩ঽস্মান্ দ্বেষ্টি যং বয়ং দ্বিষ্মস্তং বো জম্ভে দধ্মঃ ॥২॥

27.3

প্রতীচী দিগ্ বরুণোঽধিপতিঃ পৃদাকূ রক্ষিতান্নমিষবঃ ।
তেভ্যো নমোঽধিপতিভ্যো নমো রক্ষিতৃভ্যো নম ইষুভ্যো নম এভ্যো অস্তু ।
যো৩স্মান্ দ্বেষ্টি যং বয়ং দ্বিষ্মস্তং বো জম্ভে দধ্মঃ ॥৩॥

27.4

উদীচী দিক্ সোমোঽধিপতিঃ স্বজো রক্ষিতাশনিরিষবঃ ।
তেভ্যো নমোঽধিপতিভ্যো নমো রক্ষিতৃভ্যো নম ইষুভ্যো নম এভ্যো অস্তু ।
যো৩ঽস্মান্ দ্বেষ্টি যং বয়ং দ্বিষ্মস্তং বো জম্ভে দধ্মঃ ॥৪॥

27.5

ধ্রুবা দিগ্ বিষ্ণুরধিপতিঃ কল্মাষগ্রীবো রক্ষিতা বীরুধ ইষবঃ ।
তেভ্যো নমোঽধিপতিভ্যো নমো রক্ষিতৃভ্যো নম ইষুভ্যো নম এভ্যো অস্তু ।
যো৩ঽস্মান্ দ্বেষ্টি যং বয়ং দ্বিষ্মস্তং বো জম্ভে দধ্মঃ ॥৫॥

27.6

ঊর্ধ্বা দিগ্ বৃহস্পতিরধিপতিঃ শ্বিত্রো রক্ষিতা বর্ষমিষবঃ ।
তেভ্যো নমোঽধিপতিভ্যো নমো রক্ষিতৃভ্যো নম ইষুভ্যো নম এভ্যো অস্তু ।
যো৩স্মান্ দ্বেষ্টি যং বয়ং দ্বিষ্মস্তং বো জম্ভে দধ্মঃ ॥৬॥