সূক্ত 22

22.1

বর্চঃ প্রাপ্তিঃ। ১-৬ বসিষ্ঠঃ। বর্চঃ, বৃহস্পতিঃ, বিশ্বে দেবাঃ। অনুষ্টুপ্, ১ বিরাট্ ত্রিষ্টুপ্, ৩ পঞ্চপদা পরানুষ্টুপ্ বিরাডতিজগতী, ৪ ত্র্যবসানা ষট্ পদা জগতী।

হস্তিবর্চসং প্রথতাং বৃহদ্ যশো অদিত্যা যৎ তন্বঃ সংবভূব ।
তৎ সর্বে সমদুর্মহ্যমেতদ্ বিশ্বে দেবা অদিতিঃ সজোষাঃ ॥১॥

22.2

মিত্রশ্চ বরুণশ্চেন্দ্রো রুদ্রশ্চ চেততু । দেবাসো বিশ্বধায়সস্তে মাঞ্জন্তু বর্চসা ॥২॥

22.3

যেন হস্তী বর্চসা সংবভূব যেন রাজা মনুষ্যেঽষ্বপ্স্ব১ন্তঃ ।
যেন দেবা দেবতামগ্র আয়ন্ তেন মামদ্য বর্চসাগ্নে বর্চস্বিনং কৃণু ॥৩॥

22.4

যৎ তে বর্চো জাতবেদো বৃহদ্ ভবত্যাহুতেঃ ।
যাবৎ সূর্যস্য বর্চ আসুরস্য চ হস্তিনঃ ।
তাবন্মে অশ্বিনা বর্চ আ ধত্তাং পুষ্করস্রজা ॥৪॥

22.5

যাবচ্চতস্রঃ প্রদিশশ্চক্ষুর্যাবৎ সমশ্নুতে।
তাবৎ সমৈত্বিন্দ্রিয়ং ময়ি তদ্ধস্তিবর্চসম্ ॥৫॥

22.6

হস্তী মৃগাণাং সুষদামতিষ্ঠাবান্ বভূব হি।
তস্য ভগেন বর্চসাভি ষিঞ্চামি মামহম্ ॥৬॥