সূক্ত 21

21.1

শান্তিঃ। ১-১০ বসিষ্ঠঃ। অগ্নিঃ। ত্রিষ্টুপ্, ১ পুরোনুষ্টুপ্, ২, ৩, ৮ ভুরিক্ ৫ জগতী, ৬ উপরিষ্টাদ্বিরাড্ বৃহতী, ৭ বিরাড্ গর্ভা, ৯ নিচৃদনুষ্টুপ্, ১০ অনুষ্টুপ্।

যে অগ্নয়ো অপ্স্ব১ন্তর্যে বৃত্রে যে পুরুষে যে অশ্মসু ।
য আবিবেশোষধীর্যো বনস্পতীংস্তেভ্যো অগ্নিভ্যো হুতমস্ত্বেতৎ ॥১॥

21.2

যঃ সোমে অন্তর্যো গোষ্বন্তর্য আবিষ্টো বয়ঃসু যো মৃগেষু ।
য আবিবেশ দ্বিপদো যশ্চতুষ্পদস্তেভ্যো অগ্নিভ্যো হুতমস্ত্বেতৎ ॥২॥

21.3

য ইন্দ্রেণ সরথং যাতি দেবো বৈশ্বানর উত বিশ্বদাব্যঃ ।
যং জোহবীমি পৃতনাসু সাসহিং তেভ্যো অগ্নিভ্যো হুতমস্ত্বেতৎ ॥৩॥

21.4

যো দেবো বিশ্বাদ্ যমু কামমাহুর্যং দাতারং প্রতিগৃহ্ণন্তমাহুঃ ।
যো ধীরঃ শক্রঃ পরিভূরদাভ্যস্তেভ্যো অগ্নিভ্যো হুতমস্ত্বেতৎ ॥৪॥

21.5

যং ত্বা হোতারং মনসাভি সংবিদুস্ত্রয়োদশ ভৌবনাঃ পঞ্চ মানবাঃ ।
বর্চোধসে যশসে সূনৃতাবতে তেভ্যো অগ্নিভ্যো হুতমস্ত্বেতৎ ॥৫॥

21.6

উক্ষান্নায় বশান্নায় সোমপৃষ্ঠায় বেধসে ।
বৈশ্বানরজ্যেষ্ঠেভ্যস্তেভ্যো অগ্নিভ্যো হুতমস্ত্বেতৎ ॥৬॥

21.7

দিবং পৃথিবীমন্বন্তরিক্ষং যে বিদ্যুতমনুসংচরন্তি ।
যে দিক্ষ্ব১ন্তর্যে বাতে অন্তস্তেভ্যো অগ্নিভ্যো হুতমস্ত্বেতৎ ॥৭॥

21.8

হিরণ্যপাণিং সবিতারমিন্দ্রং বৃহস্পতিং বরুণং মিত্রমগ্নিম্।
বিশ্বান্ দেবানঙ্গিরসো হবামহ ইমং ক্রব্যাদং শময়ন্ত্বগ্নিম্ ॥৮॥

21.9

শান্তো অগ্নিঃ ক্রব্যাচ্ছান্তঃ পুরুষরেষণঃ ।
অথো যো বিশ্বদাব্য১স্তং ক্রব্যাদমশীশমম্ ॥৯॥

21.10

যে পর্বতাঃ সোমপৃষ্ঠা আপ উত্তানশীবরীঃ ।
বাতঃ পর্জন্য আদগ্নিস্তে ক্রব্যাদমশীশমন্ ॥১০॥