সূক্ত 23

23.1

বীর-প্রসূতিঃ। ১-৬ ব্রহ্মা। চন্দ্রমা, যোনিঃ, দ্যাবাপৃথিবী। অনুষ্টুপ্, ৫ উপরিষ্টাদ্ ভুরিগ্বৃহতী, ৬ স্কংধোগ্রীবী বৃহতী।

যেন বেহদ্ বভূবিথ নাশয়ামসি তৎ ত্বৎ।
ইদং তদন্যত্র ত্বদপ দূরে নি দধ্মসি ॥১॥

23.2

আ তে যোনিং গর্ভ এতু পুমান্ বাণ ইবেষুধিম্।
আ বীরোঽত্র জায়তাং পুত্রস্তে দশমাস্যঃ ॥২॥

23.3

পুমাংসং পুত্রং জনয় তং পুমাননু জায়তাম্।
ভবাসি পুত্রাণাং মাতা জাতানাং জনয়াশ্চ যান্ ॥৩॥

23.4

যানি ভদ্রাণি বীজান্যৃষভা জনয়ন্তি চ ।
তৈস্ত্বং পুত্রং বিন্দস্ব সা প্রসূর্ধেনুকা ভব ॥৪॥

23.5

কৃণোমি তে প্রাজাপত্যমা যোনিং গর্ভ এতু তে ।
বিন্দস্ব ত্বং পুত্রং নারি যস্তুভ্যং শমসচ্ছমু তস্মৈ ত্বং ভব ॥৫॥

23.6

যাসাং দ্যৌঃ পিতা পৃথিবী মাতা সমুদ্রো মূলং বীরুধাং বভূব ।
তাস্ত্বা পুত্রবিদ্যায় দৈবীঃ প্রাবন্ত্বোষধয়ঃ ॥৬॥