সূক্ত 69

69.1

স ঘা নো যোগ আ ভুবৎ স রায়ে স পুরংধ্যাম্। গমদ্ বাজেভিরা স নঃ ॥১॥

যস্য সংস্থে ন বৃণ্বতে হরী সমত্সু শত্রবঃ । তস্মা ইন্দ্রায় গায়ত ॥২॥

সুতপাব্নে সুতা ইমে শুচয়ো যন্তি বীতয়ে । সোমাসো দধ্যাশিরঃ ॥৩॥

ত্বং সুতস্য পীতয়ে সদ্যো বৃদ্ধো অজায়থাঃ । ইন্দ্র জ্যৈষ্ঠ্যায় সুক্রতো ॥৪॥

আ ত্বা বিশন্ত্বাশবঃ সোমাস ইন্দ্র গির্বণঃ । শং তে সন্তু প্রচেতসে ॥৫॥

ত্বাং স্তোমা অবীবৃধন্ ত্বামুক্থা শতক্রতো । ত্বাং বর্ধন্তু নো গিরঃ ॥৬॥

অক্ষিতোতিঃ সনেদিমং বাজমিন্দ্রঃ সহস্রিণম্। যস্মিন্ বিশ্বানি পৌংস্যা ॥৭॥

মা নো মর্তা অভি দ্রুহন্ তনূনামিন্দ্র গির্বণঃ । ঈশানো যবয়া বধম্ ॥৮॥

যুঞ্জন্তি ব্রধ্নমরুষং চরন্তং পরি তস্থুষঃ । রোচন্তে রোচনা দিবি ॥৯॥

যুঞ্জন্ত্যস্য কাম্যা হরী বিপক্ষসা রথে । শোণা ধৃষ্ণূ নৃবাহসা ॥১০॥

কেতুং কৃণ্বন্নকেতবে পেশো মর্যা অপেশসে । সমুষদ্ভিরজায়থাঃ ॥১১॥

আদহ স্বধামনু পুনর্গর্ভত্বমেরিরে। দধানা নাম যজ্ঞিয়ম্ ॥১২॥