সূক্ত 68

68.1

সুরূপকৃত্নুমূতয়ে সুদুঘামিব গোদুহে । জুহূমসি দ্যবিদ্যবি ॥১॥

উপ নঃ সবনা গহি সোমস্য সোমপাঃ পিব । গোদা ইদ্ রেবতো মদঃ ॥২॥

অথা তে অন্তমানাং বিদ্যাম সুমতীনাম্। মা নো অতি খ্য আ গহি ॥৩॥

পরেহি বিগ্রমস্তৃতমিন্দ্রং পৃচ্ছা বিপশ্চিতম্। যস্তে সখিভ্য আ বরম্ ॥৪॥

উত ব্রুবন্তু নো নিদো নিরন্যতশ্চিদারত । দধানা ইন্দ্র ইদ্ দুবঃ ॥৫॥

উত নঃ সুভগাং অরির্বোচেয়ুর্দস্ম কৃষ্টয়ঃ । স্যামেদিন্দ্রস্য শর্মণি ॥৬॥

এমাশুমাশবে ভর যজ্ঞশ্রিয়ং নৃমাদনম্। পতয়ন্মন্দয়ত্সখম্ ॥৭॥

অস্য পীত্বা শতক্রতো ঘনো বৃত্রাণামভবঃ । প্রাবো বাজেষু বাজিনম্ ॥৮॥

তং ত্বা বাজেষু বাজিনং বাজয়ামঃ শতক্রতো । ধনানামিন্দ্র সাতয়ে ॥৯॥

যো রায়ো৩ঽবনির্মহান্ত্সুপারঃ সুন্বতঃ সখা । তস্মা ইন্দ্রায় গায়ত ॥১০॥

আ ত্বেতা নি ষীদতেন্দ্রমভি প্র গায়ত । সখায় স্তোমবাহসঃ ॥১১॥

পুরূতমং পুরূণামীশানং বার্যাণাম্। ইন্দ্রং সোমে সচা সুতে ॥১২॥