Sukta 68

68.1

सु॒रू॒प॒कृ॒त्नुमू॒तये॑ सु॒दुघा॑मिव गो॒दुहे॑ । जु॒हू॒मसि॒ द्यवि॑द्यवि ॥१॥

Surupakritnumutaye sudughamiva goduhe, juhumasi dyavidyavi

उप॑ नः॒ सव॒ना ग॑हि॒ सोम॑स्य सोमपाः पिब । गो॒दा इद् रे॒वतो॒ मदः॑ ॥२॥

Upa nah savana gahi somasya somapah piba, goda id revato madah

अथा॑ ते॒ अन्त॑मानां वि॒द्याम॑ सुमती॒नाम्। मा नो॒ अति॑ ख्य॒ आ ग॑हि ॥३॥

Atha te antamanam vidyama sumatinam, ma no ati khya a gahi

परे॑हि॒ विग्र॒मस्तृ॑त॒मिन्द्रं॑ पृच्छा विप॒श्चित॑म्। यस्ते॒ सखि॑भ्य॒ आ वर॑म् ॥४॥

Parehi vigramastritamindram prichchha vipashchitam, yaste sakhibhya a varam

उ॒त ब्रु॑वन्तु नो॒ निदो॒ निर॒न्यत॑श्चिदारत । दधा॑ना॒ इन्द्र॒ इद् दुवः॑ ॥५॥

Uta bruvantu no nido niranyatashchidarata, dadhana indra id duvah

उ॒त नः॑ सु॒भगां॑ अ॒रिर्वो॒चेयु॑र्दस्म कृ॒ष्टयः॑ । स्यामेदिन्द्र॑स्य॒ शर्म॑णि ॥६॥

Uta nah subhagam arirvocheyurdasma krishtayah, syamedindrasya sharmani

एमा॒शुमा॒शवे॑ भर यज्ञ॒श्रियं॑ नृ॒माद॑नम्। प॒त॒यन्म॑न्द॒यत्स॑खम् ॥७॥

Emashumashave bhara yagyashriyam nrimadanam, patayanmandayatsakham

अ॒स्य पी॒त्वा श॑तक्रतो घ॒नो वृ॒त्राणा॑मभवः । प्रावो॒ वाजे॑षु वा॒जिन॑म् ॥८॥

Asya pitva shatakrato ghano vritranamabhavah, pravo vajeshu vajinam

तं त्वा॒ वाजे॑षु वा॒जिनं॑ वा॒जया॑मः शतक्रतो । धना॑नामिन्द्र सा॒तये॑ ॥९॥

Tam tva vajeshu vajinam vajayamah shatakrato, dhananamindra sataye

यो रा॒यो॒३ऽवनि॑र्म॒हान्त्सु॑पा॒रः सु॑न्व॒तः सखा॑ । तस्मा॒ इन्द्रा॑य गायत ॥१०॥

Yo rayo3vanirmahantsuparah sunvatah sakha, tasma indraya gayata

आ त्वेता॒ नि षी॑द॒तेन्द्र॑म॒भि प्र गा॑यत । सखा॑य॒ स्तोम॑वाहसः ॥११॥

A tveta ni shidatendramabhi pra gayata, sakhaya stomavahasah

पु॒रू॒तमं॑ पुरू॒णामीशा॑नं॒ वार्या॑णाम्। इन्द्रं॒ सोमे॒ सचा॑ सु॒ते ॥१२॥

Purutamam purunamishanam varyanam, indram some sacha sute