UtshovSukta 69
69.1
स घा॑ नो॒ योग॒ आ भु॑व॒त् स रा॒ये स पुरं॑ध्याम्। गम॒द् वाजे॑भि॒रा स नः॑ ॥१॥
Sa gha no yoga a bhuvat sa raye sa purandhyam, gamad vajebhira sa nah
69.2
यस्य॑ सं॒स्थे न वृ॒ण्वते॒ हरी॑ स॒मत्सु॒ शत्र॑वः । तस्मा॒ इन्द्रा॑य गायत ॥२॥
Yasya sansthe na vrinvate hari samatsu shatravah, tasma indraya gayata
69.3
सु॒त॒पाव्ने॑ सु॒ता इ॒मे शुच॑यो यन्ति वी॒तये॑ । सोमा॑सो॒ दध्या॑शिरः ॥३॥
Sutapavne suta ime shuchayo yanti vitaye, somaso dadhyashirah
69.4
त्वं सु॒तस्य॑ पी॒तये॑ स॒द्यो वृ॒द्धो अ॑जायथाः । इन्द्र॒ ज्यैष्ठ्या॑य सुक्रतो ॥४॥
Tvam sutasya pitaye sadyo vriddho ajayathah, indra jyaishthyaya sukrato
69.5
आ त्वा॑ विशन्त्वा॒शवः॒ सोमा॑स इन्द्र गिर्वणः । शं ते॑ सन्तु॒ प्रचे॑तसे ॥५॥
A tva vishantvashavah somasa indra girvanah, sham te santu prachetase
69.6
त्वां स्तोमा॑ अवीवृध॒न् त्वामु॒क्था श॑तक्रतो । त्वां व॑र्धन्तु नो॒ गिरः॑ ॥६॥
Tvam stoma avivridhan tvamuktha shatakrato, tvam vardhantu no girah
69.7
अक्षि॑तोतिः सनेदि॒मं वाज॒मिन्द्रः॑ सह॒स्रिण॑म्। यस्मि॒न् विश्वा॑नि॒ पौंस्या॑ ॥७॥
Akshitotih sanedimam vajamindrah sahasrinam, yasmin vishvani paunsya
69.8
मा नो॒ मर्ता॑ अ॒भि द्रु॑हन् त॒नूना॑मिन्द्र गिर्वणः । ईशा॑नो यवया व॒धम् ॥८॥
Ma no marta abhi druhan tanunamindra girvanah, ishano yavaya vadham
69.9
यु॒ञ्जन्ति॑ ब्र॒ध्नम॑रु॒षं चर॑न्तं॒ परि॑ त॒स्थुषः॑ । रोच॑न्ते रोच॒ना दि॒वि ॥९॥
Yunjanti bradhnamarusham charantam pari tasthushah, rochante rochana divi
69.10
यु॒ञ्जन्त्य॑स्य॒ काम्या॒ हरी॒ विप॑क्षसा॒ रथे॑ । शोणा॑ धृ॒ष्णू नृ॒वाह॑सा ॥१०॥
Yunjantyasya kamya hari vipakshasa rathe, shona dhrishnu nrivahasa
69.11
के॒तुं कृ॒ण्वन्न॑के॒तवे॒ पेशो॑ मर्या अपे॒शसे॑ । समु॒षद्भि॑रजायथाः ॥११॥
Ketum krinvannaketave pesho marya apeshase, samushadbhirajayathah
69.12
आदह॑ स्व॒धामनु॒ पुन॑र्गर्भ॒त्वमे॑रि॒रे। दधा॑ना॒ नाम॑ य॒ज्ञिय॑म् ॥१२॥
Adaha svadhamanu punargarbhatvamerire, dadhana nama yagyiyam