Utshovসূক্ত 67
67.1
সবনোতি হি সুন্বন্ ক্ষয়ং পরীণসঃ সুন্বানো হি ষ্মা যজত্যব দ্বিষো দেবানামব দ্বিষঃ ।
সুন্বান ইৎ সিষাসতি সহস্রা বাজ্যবৃতঃ ।
সুন্বানায়েন্দ্রো দদাত্যাভুবং রয়িং দদাত্যাভুবম্ ॥১॥
67.2
মো ষু বো অস্মদভি তানি পৌংস্যা সনা ভূবন্ দ্যুম্নানি মোত জারিষুরস্মৎ পুরোত জারিষুঃ ।
যদ্ বশ্চিত্রং যুগেয়ুগে নব্যং ঘোষাদমর্ত্যম্।
অস্মাসু তন্মরুতো যচ্চ দুষ্টৃরং দিধৃতা যচ্চ দুষ্টরম্ ॥২॥
67.3
অগ্নিং হোতারং মন্যে দাস্বন্তং বসুং সূনুং সহসো জাতবেদসং বিপ্রং ন জাতবেদসম্।
য ঊর্ধ্বয়া স্বধ্বরো দেবো দেবাচ্যা কৃপা।
ঘৃতস্য বিভ্রাষ্টিমনু বষ্টি শোচিষাজুহ্বানস্য সর্পিষঃ ॥৩॥
67.4
যজ্ঞৈঃ সমিশ্লাঃ পৃষতীভিরৃষ্টিভির্যামং ছুভ্রাসো অঞ্জিষু প্রিয়া উত।
আসদ্যা বর্হির্ভরতস্য সূনবঃ পোত্রাদা সোমং পিবতা দিবো নরঃ ॥৪॥
67.5
আ বক্ষি দেবাং ইহ বিপ্র যক্ষি চোশন্ হোতর্নি ষদা যোনিষু ত্রিষু।
প্রতি বীহি প্রস্থিতং সোম্যং মধু পিবাগ্নীধ্রাৎ তব ভাগস্য তৃষ্ণুহি ॥৫॥
67.6
এষ স্য তে তন্বো নৃম্ণবর্ধনঃ সহ ওজঃ প্রদিবি বাহ্বোর্হিতঃ ।
তুভ্যং সুতো মঘবন্ তুভ্যমাভৃতস্ত্বমস্য ব্রাহ্মণাদা তৃপৎ পিব ॥৬॥
67.7
যমু পূর্বমহুবে তমিদং হুবে সেদু হব্যো দদির্যো নাম পত্যতে ।
অধ্বর্যুভিঃ প্রস্থিতং সোম্যং মধু পোত্রাৎ সোমং দ্রবিণোদঃ পিব ঋতুভিঃ ॥৭॥