সূক্ত 125

125.1

অপেন্দ্র প্রাচো মঘবন্নমিত্রানপাপাচো অভিভূতে নুদস্ব ।
অপোদীচো অপ শূরাধরাচ উরৌ যথা তব শর্মন্ মদেম ॥১॥

কুবিদঙ্গ যবমন্তো যবং চিদ্ যথা দান্ত্যনুপূর্বং বিয়ূয় ।
ইহেহৈষাং কৃণুহি ভোজনানি যে বর্হিষো নমোবৃক্তিং ন জগ্মুঃ ॥২॥

নহি স্থূর্যৃতুথা যাতমস্তি নোত শ্রবো বিবিদে সংগমেষু ।
গব্যন্ত ইন্দ্রং সখ্যায় বিপ্রা অশ্বায়ন্তো বৃষণং বাজয়ন্তঃ ॥৩॥

যুবং সুরামমশ্বিনা নমুচাবাসুরে সচা ।
বিপিপানা শুভস্পতী ইন্দ্রং কর্মস্বাবতম্ ॥৪॥

পুত্রমিব পিতরাবশ্বিনোভেন্দ্রাবথুঃ কাব্যৈর্দংসনাভিঃ ।
যৎ সুরামং ব্যপিবঃ শচীভিঃ সরস্বতী ত্বা মঘবন্নভিষ্ণক্ ॥৫॥

ইন্দ্রঃ সুত্রামা স্ববাঁ অবোভিঃ সুমৃডীকো ভবতু বিশ্ববেদাঃ ।
বাধতাং দ্বেষো অভয়ং নঃ কৃণোতু সুবীর্যস্য পতয়ঃ স্যাম ॥৬॥

স সুত্রামা স্ববাঁ ইন্দ্রো অস্মদারাচ্চিদ্ দ্বেষঃ সনুতর্যুয়োতু ।
তস্য বয়ং সুমতৌ যজ্ঞিয়স্যাপি ভদ্রে সৌমনসে স্যাম ॥৭॥