সূক্ত 126

126.1

বি হি সোতোরসৃক্ষত নেন্দ্রং দেবমমংসত ।
যত্রামদদ্ বৃষাকপিরর্যঃ পুষ্টেষু মত্সখা বিশ্বস্মাদিন্দ্র উত্তরঃ ॥১॥

পরা হীন্দ্র ধাবসি বৃষাকপেরতি ব্যথিঃ ।
নো অহ প্র বিন্দস্যন্যত্র সোমপীতয়ে বিশ্বস্মাদিন্দ্র উত্তরঃ ॥২॥

কিময়ং ত্বাং বৃষাকপিশ্চকার হরিতো মৃগঃ ।
যস্মা ইরস্যসীদু ন্ব১র্যো বা পুষ্টিমদ্ বসু বিশ্বস্মাদিন্দ্র উত্তরঃ ॥৩॥

যমিমং ত্বং বৃষাকপিং প্রিয়মিন্দ্রাভিরক্ষসি ।
শ্বা ন্বস্য জম্ভিষদপি কর্ণে বরাহয়ুর্বিশ্বস্মাদিন্দ্র উত্তরঃ ॥৪॥

প্রিয়া তষ্টানি মে কপির্ব্যক্তা ব্যঽদূদুষৎ।
শিরো ন্বঽস্য রাবিষং ন সুগং দুষ্কৃতে ভুবং বিশ্বস্মাদিন্দ্র উত্তরঃ ॥৫॥

ন মৎ স্ত্রী সুভসত্তরা ন সুয়াশুতরা ভুবৎ।
ন মৎ প্রতিচ্যবীয়সী ন সক্থ্যুদ্যমীয়সী বিশ্বস্মাদিন্দ্র উত্তরঃ ॥৬॥

উবে অম্ব সুলাভিকে যথেবাঙ্গং ভবিষ্যতি ।
ভসন্মে অম্ব সক্থি মে শিরো মে বীঽব হৃষ্যতি বিশ্বস্মাদিন্দ্র উত্তরঃ ॥৭॥

কিং সুবাহো স্বঙ্গুরে পৃথুষ্টো পৃথুজাঘনে ।
কিং শূরপত্নি নস্ত্বমভ্যঽমীষি বৃষাকপিং বিশ্বস্মাদিন্দ্র উত্তরঃ ॥৮॥

অবীরামিব মাময়ং শরারুরভি মন্যতে ।
উতাহমস্মি বীরিণীন্দ্রপত্নী মরুত্সখা বিশ্বস্মাদিন্দ্র উত্তরঃ ॥৯॥

সংহোত্রং স্ম পুরা নারী সমনং বাব গচ্ছতি ।
বেধা ঋতস্য বীরিণীন্দ্রপত্নী মহীয়তে বিশ্বস্মাদিন্দ্র উত্তরঃ ॥১০॥

ইন্দ্রাণীমাসু নারিষু সুভগামহমশ্রবম্।
নহ্যঽস্যা অপরং চন জরসা মরতে পতির্বিশ্বস্মাদিন্দ্র উত্তরঃ ॥১১॥

নাহমিন্দ্রাণি রারণ সখ্যুর্বৃষাকপেরৃতে।
যস্যেদমপ্যং হবিঃ প্রিয়ং দেবেষু গচ্ছতি বিশ্বস্মাদিন্দ্র উত্তরঃ ॥১২॥

বৃষাকপায়ি রেবতি সুপুত্র আদু সুস্নুষে ।
ঘসচ ইন্দ্র উক্ষণঃ প্রিয়ং কাচিত্করং হবির্বিশ্বস্মাদিন্দ্র উত্তরঃ ॥১৩॥

উক্ষ্ণো হি মে পঞ্চদশ সাকং পচন্তি বিংশতিম্।
উতাহমদ্মি পীব ইদুভা কুক্ষী পৃণন্তি মে বিশ্বস্মাদিন্দ্র উত্তরঃ ॥১৪॥

বৃষভো ন তিগ্মশৃঙ্গোঽন্তর্যূথেষু রোরুবৎ।
মন্থস্ত ইন্দ্র শং হৃদে যং তে সুনোতি ভাবয়ুর্বিশ্বস্মাদিন্দ্র উত্তরঃ ॥১৫॥

ন সেশে যস্য রম্বতেঽন্তরা সক্থ্যা৩ কপৃৎ।
সেদীশে যস্য রোমশং নিষেদুষো বিজৃম্ভতে বিশ্বস্মাদিন্দ্র উত্তরঃ ॥১৬॥

ন সেশে যস্য রোমশং নিষেদুষো বিজৃম্ভতে ।
সেদীশে যস্য রম্বতেঽন্তরা সক্থ্যা৩ কপৃদ্ বিশ্বস্মাদিন্দ্র উত্তরঃ ॥১৭॥

অয়মিন্দ্র বৃষাকপিঃ পরস্বন্তং হতং বিদৎ।
অসিং সূনাং নবং চরুমাদেধস্যান আচিতং বিশ্বস্মাদিন্দ্র উত্তরঃ ॥১৮॥

অয়মেমি বিচাকশদ্ বিচিন্বন্ দাসমার্যম্।
পিবামি পাকসুত্বনোঽভি ধীরমচাকশং বিশ্বস্মাদিন্দ্র উত্তরঃ ॥১৯॥

ধন্ব চ যৎ কৃন্তত্রং চ কতি স্বিৎ তা বি যোজনা ।
নেদীয়সো বৃষাকপেঽস্তমেহি গৃহাঁ উপ বিশ্বস্মাদিন্দ্র উত্তরঃ ॥২০॥

পুনরেহি বৃষাকপে সুবিতা কল্পয়াবহৈ ।
য এষ স্বপ্ননংশনোঽস্তমেষি পথা পুনর্বিশ্বস্মাদিন্দ্র উত্তরঃ ॥২১॥

যদুদঞ্চো বৃষাকপে গৃহমিন্দ্রাজগন্তন ।
ক্ব১স্য পুল্বঘো মৃগঃ কমগং জনয়োপনো বিশ্বস্মাদিন্দ্র উত্তরঃ ॥২২॥

পর্শুর্হ নাম মানবী সাকং সসূব বিংশতিম্।
ভদ্রং ভল ত্যস্যা অভূদ্ যস্যা উদরমাময়দ্ বিশ্বস্মাদিন্দ্র উত্তরঃ ॥২৩॥