সূক্ত 124

124.1

কয়া নশ্চিত্র আ ভুবদূতী সদাবৃধঃ সখা । কয়া শচিষ্ঠয়া বৃতা ॥১॥

কস্ত্বা সত্যো মদানাং মংহিষ্ঠো মত্সদন্ধসঃ । দৃল্হা চিদারুজে বসু ॥২॥

অভী ষু ণঃ সখীনামবিতা জরিতৄণাম্। শতং ভবাস্যূতিভিঃ ॥৩॥

ইমা নু কং ভুবনা সীষধামেন্দ্রশ্চ বিশ্বে চ দেবাঃ ।
যজ্ঞং চ নস্তন্বং চ প্রজাং চাদিত্যৈরিন্দ্রঃ সহ চীক্লৃপাতি ॥৪॥

আদিত্যৈরিন্দ্রঃ সগণো মরুদ্ভিরস্মাকং ভূত্ববিতা তনূনাম্।
হত্বায় দেবা অসুরান্ যদায়ন্ দেবা দেবত্বমভিরক্ষমাণাঃ ॥৫॥

প্রত্যঞ্চমর্কমনয়ং ছচীভিরাদিৎ স্বধামিষিরাং পর্যপশ্যন্।
অয়া বাজং দেবহিতং সনেম মদেম শতহিমাঃ সুবীরাঃ ॥৬॥