সূক্ত 6

6.1

সপত্নহাঽগ্নিঃ। ১-৫ শৌনকঃ(সম্পত্কামঃ) অগ্নিঃ। ত্রিষ্টুপ্, ৪ চতুষ্পদার্ষী পঙ্ক্তিঃ, ৫ বিরাট্ প্রস্তারপঙ্ক্তিঃ।

সমাস্ত্বাগ্ন ঋতবো বর্ধয়ন্তু সংবত্সরা ঋষয়ো যানি সত্যা।
সং দিব্যেন দীদিহি রোচনেন বিশ্বা আ ভাহি প্রদিশশ্চতস্রঃ ॥১॥

6.2

সং চেধ্যস্বাগ্নে প্র চ বর্ধয়েমমুচ্চ তিষ্ঠ মহতে সৌভগায় ।
মা তে রিষন্নুপসত্তারো অগ্নে ব্রহ্মাণস্তে যশসঃ সন্তু মান্যে ॥২॥

6.3

ত্বামগ্নে বৃণতে ব্রাহ্মণা ইমে শিবো অগ্নে সংবরণে ভবা নঃ ।
সপত্নহাগ্নে অভিমাতিজিদ্ ভব স্বে গয়ে জাগৃহ্যপ্রয়ুছন্ ॥৩॥

6.4

ক্ষত্রেণাগ্নে স্বেন সং রভস্ব মিত্রেণাগ্নে মিত্রধা যতস্ব ।
সজাতানাং মধ্যমেষ্ঠা রাজ্ঞামগ্নে বিহব্যো দীদিহীহ ॥৪॥

6.5

অতি নিহো অতি সৃধোঽত্যচিত্তীরতি দ্বিষঃ ।
বিশ্বা হ্যঽগ্নে দুরিতা তর ত্বমথাস্মভ্যং সহবীরং রয়িং দাঃ