সূক্ত 5

5.1

ইন্দ্রস্য বীর্যাণি। ১-৭ ভৃগুরাথর্বণঃ। ইন্দ্রঃ। ত্রিষ্টুপ্, ১ উপরিষ্টান্নিচৃদ্ বৃহতী, ২ উপরিষ্টাদ্বিরাড্ বৃহতী,৩ বিরাট্ পথ্যা বৃহতী, ৪ জগতী পুরোবিরাট্।

ইন্দ্র জুষস্ব প্র বহা যাহি শূর হরিভ্যাম্।
পিবা সুতস্য মতেরিহ মধোশ্চকানশ্চারুর্মদায় ॥১॥

5.2

ইন্দ্র জঠরং নব্যো ন পৃণস্ব মধোর্দিবো ন।
অস্য সুতস্য স্ব১র্ণোপ ত্বা মদাঃ সুবাচো অগুঃ ॥২॥

5.3

ইন্দ্রস্তুরাষাণ্মিত্রো বৃত্রং যো জঘান যতীর্ন।
বিভেদ বলং ভৃগুর্ন সসহে শত্রূন্ মদে সোমস্য ॥৩॥

5.4

আ ত্বা বিশন্তু সুতাস ইন্দ্র পৃণস্ব কুক্ষী বিড্ঢি শক্র ধিয়েহ্যা নঃ ।
শ্রুধী হবং গিরো মে জুষস্বেন্দ্র স্বয়ুগ্ভির্মত্স্বেহ মহে রণায় ॥৪॥

5.5

ইন্দ্রস্য নু প্রা বোচং বীর্যাঽণি যানি চকার প্রথমানি বজ্রী।
অহন্নহিমন্বপস্ততর্দ প্র বক্ষণা অভিনৎ পর্বতানাম্ ॥৫॥

5.6

অহন্নহিং পর্বতে শিশ্রিয়াণং ত্বষ্টাস্মৈ বজ্রং স্বর্যং ঽ ততক্ষ ।
বাশ্রা ইব ধেনবঃ স্যন্দমানা অঞ্জঃ সমুদ্রমব জগ্মুরাপঃ ॥৬॥

5.7

বৃষায়মাণো অবৃণীত সোমং ত্রিকদ্রুকেষ্বপিবৎ সুতস্য ।
আ সায়কং মঘবাদত্ত বজ্রমহন্নেনং প্রথমজামহীনাম্ ॥৭॥