সূক্ত 4

4.1

দীর্ঘায়ুঃপ্রাপ্তিঃ। ১-৬ অথর্বা। (চন্দ্রমাঃ,) জঙ্গিডঃ। অনুষ্টুপ্, ১ বিরাট্ প্রস্তারপঙ্ক্তিঃ।

দীর্ঘায়ুত্বায় বৃহতে রণায়ারিষ্যন্তো দক্ষমাণাঃ সদৈব।
মণিং বিষ্কন্ধদূষণং জঙ্গিডং বিভৃমো বয়ম্ ॥১॥

4.2

জঙ্গিডো জম্ভাদ্ বিশরাদ্ বিষ্কন্ধাদভিশোচনাৎ।
মণিঃ সহস্রবীর্যঃ পরি ণঃ পাতু বিশ্বতঃ ॥২॥

4.3

অয়ং বিষ্কন্ধং সহতেঽয়ং বাধতে অত্ত্রিণঃ ।
অয়ং নো বিশ্বভেষজো জঙ্গিডঃ পাত্বংহসঃ ॥৩॥

4.4

দেবৈর্দত্তেন মণিনা জঙ্গিডেন ময়োভুবা ।
বিষ্কন্ধং সর্বা রক্ষাংসি ব্যায়ামে সহামহে ॥৪॥

4.5

শণশ্চ মা জঙ্গিডশ্চ বিষ্কন্ধাদভি রক্ষতাম্।
অরণ্যাদন্য আভৃতঃ কৃষ্যা অন্যো রসেভ্যঃ ॥৫॥

4.6

কৃত্যাদূষিরয়ং মণিরথো অরাতিদূষিঃ ।
অথো সহস্বান্ জঙ্গিডঃ প্র ণ আয়ুংষি তারিষৎ ॥৬॥