সূক্ত 3

3.1

আস্রাবস্য ভেষজম্। ১-৬ অঙ্গিরাঃ। ভৈষজ্যং, আয়ুঃ, ধন্বন্তরিঃ। অনুষ্টুপ্, ৬ ত্রিপদা স্বরাডুপরিষ্টান্মহাবৃহতী।

অদো যদবধাবত্যবত্কমধি পর্বতাৎ।
তৎ তে কৃণোমি ভেষজং সুভেষজং যথাসসি ॥১॥

3.2

আদঙ্গা কুবিদঙ্গা শতং যা ভেষজানি তে ।
তেষামসি ত্বমুত্তমমনাস্রাবমরোগণম্ ॥২॥

3.3

নীচৈঃ খনন্ত্যসুরা অরুস্রাণমিদং মহৎ।
তদাস্রাবস্য ভেষজং তদু রোগমনীনশৎ ॥৩॥

3.4

উপজীকা উদ্ ভরন্তি সমুদ্রাদধি ভেষজম্।
তদাস্রাবস্য ভেষজং তদু রোগমশীশমৎ ॥৪॥

3.5

অরুস্রাণমিদং মহৎ পৃথিব্যা অধ্যুদ্ভৃতম্।
তদাস্রাবস্য ভেষজং তদু রোগমনীনশৎ ॥৫॥

3.6

শং নো ভবন্ত্বপ ওষধয়ঃ শিবাঃ ।
ইন্দ্রস্য বজ্রো অপ হন্তু রক্ষস আরাদ্ বিসৃষ্টা ইষবঃ পতন্তু রক্ষসাম্ ॥৬॥