Sukta 6

6.1

Sapatnahagnih, 1-5 shaunakah(sampatkamah) agnih, trishtup, 4 chatushpadarshi panktih, 5 virat prastarapanktih

समा॑स्त्वाग्न ऋ॒तवो॑ वर्धयन्तु संवत्स॒रा ऋष॑यो॒ यानि॑ स॒त्या।
सं दि॒व्येन॑ दीदिहि रोच॒नेन॒ विश्वा॒ आ भा॑हि प्र॒दिश॒श्चत॑स्रः ॥१॥

Samastvagna ritavo vardhayantu sanvatsara rishayo yani satya
Sam divyena didihi rochanena vishva a bhahi pradishashchatasrah

6.2

सं चे॒ध्यस्वा॑ग्ने॒ प्र च॑ वर्धये॒ममुच्च॑ तिष्ठ मह॒ते सौभ॑गाय ।
मा ते॑ रिषन्नुपस॒त्तारो॑ अग्ने ब्र॒ह्माण॑स्ते य॒शसः॑ सन्तु॒ मान्ये ॥२॥

Sam chedhyasvagne pra cha vardhayemamuchcha tishtha mahate saubhagaya
Ma te rishannupasattaro agne brahmanaste yashasah santu manye

6.3

त्वाम॑ग्ने वृणते ब्राह्म॒णा इ॒मे शि॒वो अ॑ग्ने सं॒वर॑णे भवा नः ।
स॒प॒त्न॒हाग्ने॑ अभिमाति॒जिद् भ॑व॒ स्वे गये॑ जागृ॒ह्यप्र॑युछन् ॥३॥

Tvamagne vrinate brahmana ime shivo agne sanvarane bhava nah
Sapatnahagne abhimatijid bhava sve gaye jagrihyaprayuchhan

6.4

क्ष॒त्रेणा॑ग्ने॒ स्वेन॒ सं र॑भस्व मि॒त्रेणा॑ग्ने मित्र॒धा य॑तस्व ।
स॒जा॒तानां॑ मध्यमे॒ष्ठा राज्ञा॑मग्ने वि॒हव्यो॑ दीदिही॒ह ॥४॥

Kshatrenagne svena sam rabhasva mitrenagne mitradha yatasva
Sajatanam madhyameshtha ragyamagne vihavyo didihiha

6.5

अति॒ निहो॒ अति॒ सृधोऽत्यचि॑त्ती॒रति॒ द्विषः॑ ।
विश्वा॒ ह्यऽग्ने दुरि॒ता त॑र॒ त्वमथा॒स्मभ्यं॑ स॒हवी॑रं र॒यिं दाः॑

Ati niho ati sridhotyachittirati dvishah
Vishva hyagne durita tara tvamathasmabhyam sahaviram rayim dah