Sukta 7

7.1

Shapamochanam, 1-5 atharva, bhaishajyam, ayuh, vanaspatih, anushtup, 1 bhurik, 4 viraduparishtad brihati

अ॒घद्वि॑ष्टा दे॒वजा॑ता वी॒रुच्छ॑पथ॒योप॑नी ।
आपो॒ मल॑मिव॒ प्राणै॑क्षी॒त् सर्वा॒न् मच्छ॒पथाँ॒ अधि॑ ॥१॥

Aghadvishta devajata viruchchhapathayopani
Apo malamiva pranaikshit sarvan machchhapatham adhi

यश्च॑ साप॒त्नः श॒पथो॑ जा॒म्याः श॒पथ॑श्च॒ यः ।
ब्र॒ह्मा यन्म॑न्यु॒तः शपा॒त् सर्वं॒ तन्नो॑ अधस्प॒दम् ॥२॥

Yashcha sapatnah shapatho jamyah shapathashcha yah
Brahma yanmanyutah shapat sarvam tanno adhaspadam

दि॒वो मूल॒मव॑ततं पृथि॒व्या अध्युत्त॑तम्।
तेन॑ स॒हस्र॑काण्डेन॒ परि॑ णः पाहि वि॒श्वतः॑ ॥३॥

Divo mulamavatatam prithivya adhyuttatam
Tena sahasrakandena pari nah pahi vishvatah

परि॒ मां परि॑ मे प्र॒जां परि॑ णः पाहि॒ यद्धन॑म्।
अरा॑तिर्नो॒ मा ता॑री॒न्मा न॑स्तारि॒षुर॒भिमा॑तयः ॥४॥

Pari mam pari me prajam pari nah pahi yaddhanam
Aratirno ma tarinma nastarishurabhimatayah

श॒प्तार॑मेतु श॒पथो॒ यः सु॒हार्त् तेन॑ नः स॒ह।
चक्षु॑र्मन्त्रस्य दु॒र्हार्दः॑ पृ॒ष्टीरपि॑ शृणीमसि ॥५॥

Shaptarametu shapatho yah suhart tena nah saha
Chakshurmantrasya durhardah prishtirapi shrinimasi