সূক্ত 7

7.1

শাপমোচনম্। ১-৫ অথর্বা। ভৈষজ্যং, আয়ুঃ, বনস্পতিঃ। অনুষ্টুপ্, ১ ভুরিক্, ৪ বিরাডুপরিষ্টাদ্ বৃহতী।

অঘদ্বিষ্টা দেবজাতা বীরুচ্ছপথয়োপনী ।
আপো মলমিব প্রাণৈক্ষীৎ সর্বান্ মচ্ছপথাঁ অধি ॥১॥

7.2

যশ্চ সাপত্নঃ শপথো জাম্যাঃ শপথশ্চ যঃ ।
ব্রহ্মা যন্মন্যুতঃ শপাৎ সর্বং তন্নো অধস্পদম্ ॥২॥

7.3

দিবো মূলমবততং পৃথিব্যা অধ্যুত্ততম্।
তেন সহস্রকাণ্ডেন পরি ণঃ পাহি বিশ্বতঃ ॥৩॥

7.4

পরি মাং পরি মে প্রজাং পরি ণঃ পাহি যদ্ধনম্।
অরাতির্নো মা তারীন্মা নস্তারিষুরভিমাতয়ঃ ॥৪॥

7.5

শপ্তারমেতু শপথো যঃ সুহার্ৎ তেন নঃ সহ।
চক্ষুর্মন্ত্রস্য দুর্হার্দঃ পৃষ্টীরপি শৃণীমসি ॥৫॥