সূক্ত 11

11.1

শ্রেয়ঃপ্রাপ্তিঃ। ১-৫ শুক্রঃ। কৃত্যাদূষণম্। ১ চতুষ্পদা বিরাট্ গায়ত্রী, ২-৫ ত্রিপদা পরোষ্ণিক্, ৪ পিপীলিকমধ্যা নিচৃৎ।

দূষ্যা দূষিরসি হেত্যা হেতিরসি মেন্যা মেনিরসি ।
আপ্নুহি শ্রেয়াংসমতি সমং ক্রাম ॥১॥

11.2

স্রক্ত্যোঽসি প্রতিসরোঽসি প্রত্যভিচরণোঽসি ।
আপ্নুহি শ্রেয়াংসমতি সমং ক্রাম ॥২॥

11.3

প্রতি তমভি চর যোঽস্মান্ দ্বেষ্টি যং বয়ং দ্বিষ্মঃ ।
আপ্নুহি শ্রেয়াংসমতি সমং ক্রাম ॥৩॥

11.4

সূরিরসি বর্চোধা অসি তনূপানোঽসি ।
আপ্নুহি শ্রেয়াংসমতি সমং ক্রাম ॥৪॥

11.5

শুক্রোঽসি ভ্রাজোঽসি স্বঽরসি জ্যোতিরসি ।
আপ্নুহি শ্রেয়াংসমতি সমং ক্রাম ॥৫॥